Ndwen gonq 25 hauh, Nanzdanh Yen Dungzloz Yisuzdonz 35 boux yezyiz yenjyenz youq ndaw yienh- singz lienh diuq foux- bwzguyauz 《Diuz Vunjbap Gyaeundei Ndeu》, baez lienh diuq neix dwg baez ceiq laeng ndeu lo. 28 hauh, gyoengq yenjyenz yisuzdonz neix couh bae Baekging camgya Cunghyangh Den- sidaiz luzci aen lanzmoeg daegbied《Foux Seiqgyaiq》 haenx.

《Diuz Vunjbap Gyaeundei Ndeu》dwg Nanzdanh Yen boux vwnzyi gunghcozcej gag biensij gag daujyenj, bouxyienj dwg youz boux cungnienz caeuq bouxlaux gyoebbaenz. Gij fouxbwzguyauz baijyienj le Nanzdanh Yen Bwzguyauz buhvaq minzcuz vwnzva. Nanzdanh Yen Bwzguyauz minzcuz buhvaq vwnzva ndaej senj haeuj guekgya feihvuzciz vwnzva yizcanj baujhoh mingzloeg.

(Fuz Lungzgyangz)