Gaenh bi daeuj, Denhdwngj Yen Ningzganh Yangh hopheux swhyenz maenhndei roengzrengz, baengh“daegsaek”fazcanj canjyez, sien bauj ndei ndaem haeux, caiq fazcanj daegsaek canjyez. Bi’gvaq, daengx yangh nungzminz moix boux cingh souhaeuj 4857 maenz, doengzbeij demhwnj 17.3%.

Aen yangh neix dajcaux daegsaek dajndaem dajciengx gihdi, aen gihdi neix comz dajciengx duzgoep、nungzyez ngonzyawj guh- doih. Aeu aen mozsi“gunghswh+gihdi+nungzhoh”bangfuz canjyez dajciengx duzgoep. Dangqnaj gaenq laebbaenz dieg dajciengx 4 giz, dajndaem menciz daj 30 moux demgya daengz 80 moux, baenz gih raeuz dieg dajciengx duzgoep ceiq hung haenx, canjciz 455 fanh maenz. Aen yangh neix laebbaenz“Ningzganh Yangh Manhdaengjmbwn Hozcozse”, youq Lizmingz Cunh Mbanjyilungz nem Mbanjden’gvangh laebbaenz gizdieg baenz rangh daj- ndaem manhdaengjmbwn haenx 500 moux, aeu aen mozsi“gunghswh+gihdi+nungzhoh”guh baenz gveihmozva dajndaem. Bi’gvaq, daengx yangh lwgmanh canjlieng 10 fanh goenggaen, canjciz 56 fanh maenz. Linghvaih aen yangh neix dajndaem yiengzbya daegsaek 700 lai duz, ciengx roeggap 3000 lai doiq, daengx yangh gihbwnj laebbaenz“mbanj miz yiengh he”daegsaek dajndaem dajciengx gwzgiz.

(Fungz Sinhgiz Vangz Lilanz)