●5 nyied 31 hauh daengz 6 nyied 2 hauh, Lungzcwng Gak Cuz Swciyen Lungzciz Nazmbaeklae Gingjgih ndaw Mbanjbingzanh Bouxcuengh gawjbanh baijok doz- veh funghcingz Lungzciz hilez hozdung, dangdieg ginzcung Boux- cuengh youq ndaw nazmbaeklae guh soengq haq funghcingz byaijok hozdung caeuq cae reihnaz daengj conzdungj hong reihnaz hozdung, yiengq hekyouz baijok minzsuz funghcingz.(Vuz Haijvaz)

●5 nyied 29 hauh, Cungzcoj Si daengx si minzcuz hidungj yezvu gunghcoz beizyinvei ciuhai, youq gwnz hoih, Denhdwngj Yen Minzcuzgiz ndaej bingzguh“2012 nienzdoh daengx si minzcuz hidungj cunghab muzbyauh gaujbingz youhsiu danhvei”. Neix dwg Denh- dwngj Yen Minzcuzgiz laebdaeb haj bi bingz ndaej maenhndei.

(Luz Linzhuj Vangz Souciz)

●Vih baengh“roek it”ciet- lwgnyez youq ndaw siujyoz hagdangz guh minzcuz cwngcwz faplwd fazgveih senhconz gyauyuz hozdung. Denzlinz Yen Minzcuzgiz ok 3000 maenz cihciz Denzlinz Yen Minzcuz Siujyoz gaihcanj angqhoh“roek it”nem minzcuz cwngcwz faplwd fazgveih cihsiz senhconz gyauyuz hozdung, aeundaej yaugoj ndei.

(Banh Sauginh)

●Daj bineix daeuj, Bingzgoj Yen laebdaeb gujli nem bangfuz nungzhoh fazcanj laj faex ciengx gaeq, gak yangh(cin) mboujduenh ok lohnaemj moq、banhfap moq, mizyauq doihaeuj hong laj faex ciengx gaeq. Ciuq gyoepsuenq, daengz 3 nyied daej, daengx yienh gungh fazcanj gveihmoz laj faex ginghci 230 hoh, gaenq okroengq 808.82 fanh duz, gungh laeb laj faex ciengx gaeq sifan gihdi 21 aen.

(Vangz Cinhhoz)

●Dangqnaj, Majsanh Yen bouxcoz gij daigvanj haemq noix cangyez danhbauj boujdiep leihsik haenx nangq daengz 289 aen hanghmoeg, bangcoengh 595 bouxcoz cangyez, daiqdoengh 5863 vunz ciuyez cangyez, aeundaej ginghci yauyiz nem sevei yauyiz ndei.(Dwng Yi)