Ndaw gvih Siujgiz miz ci yienzbit、ci gangbit、ci mauzbit、ci faenjbit ndeu. Gyoengqde ciengzseiz youq itheij gangjboq.

Miz ngoenz ndeu, Siujgiz cingq yawj saw, yienzbit、mauzbit、gangbit、faenjbit youh hainduj gangjboq lo. Yienzbit naeuz：“Lwnh sou nyi ba！Miz baez ndeu gou dawz song goenggaen rin bienqbaenz gim bae, cauxfuk hawj ginzcung.”Gangbit naeuz:“Neix suenq gijmaz，gou lij dawz cieng bak maenz ngaenz ndeu bienqbaenz song goenggaen bak maenz.” Mauzbit hozndat lo:“Miz ngoenz ndeu gou lij gaemh le 2011 boux bouxcaeg, 2011 boux liuzmangz!”Faenjbit hai bak naeuz:“Gou lij bienqbaenz duzmui gvaq ne.”Siujgiz hozndat lo：“Gaej gangj lo, fanz yaek dai lo.”

Caezgya lumj youh aeu gaijbienq vadiz, youh hainduj gangj lo. Yienzbit naeuz：“Siujgiz ceiq gyaez gou lo, baeznaengz aen gyaeuj gou goenq le, de cungj rox bang gou coih.”Gangbit naeuz：“Siujgiz lij hawj gou ndoet raemx ne!”Mauzbit naeuz：“Siujgiz lij dajswiq hawj gou ne!”Faenjbit naeuz：“Siujgiz lij buenx gou ninz ne!”

Siujgiz dauq nyaenx mbouj ndaej lo, dawz gyoengqde cungj gveng ok rog cueng bae lo. Gyoengqde nanzgvaq dwk naeuz：“Mboujguenj bouxlawz, Siujgiz cungj mbouj gyaez.”

（指导老师：覃仲南）