Gou rox ra hong dwg gienh saeh gig mbouj yungzheih he, daegbied dwg lumj gou boux daconh bizyezswngh daj lajmbanj daeuj haenx, siengj ra faenh hong habhoz he dwgrengz lai lo. Hoeng, daihhag bizyez le, gou lij dwg dajsuenq louz youq ndaw singz, maqmuengh swhgeij gaenxgyaek ra ndaej faenh hong he.

Gou youq yinzcaiz sicangz dauqcawq ra danhvei, hoeng cungj mbouj habhoz, mbouj dwg mbouj miz gingniemh guhhong, couh dwg faenh hong neix mbouj miz cenzduz. Gij hong gai doxgaiq、guh fuzvuyenz、buet yezvu gig lai, hoeng gou youh lau gou guh mbouj ndaej. Seizhaenx, gou yawjraen aen gvangjgau he dwg aen danhvei he ciu yingzsiuhyenz, iugouz gig daemq, nienzgeij youq 35 bi doxroengz, mbouj iugouz miz maz vwnzbingz, gou ganjvaiq geiq roengz giz dieg caeuq lienzhaeh dienhvah aen gunghswh neix.

Ngoenz daihngeih, gou daeuj daengz aen gunghswh haenx. Dahsau ciepdaih gou haenx gig yezcingz, rox gou dwg daeuj yingbin, couh heuh gou daengz yinzswbu bae ra Hoz ginghlij. Hoz ginghlij yawj dang’an gou le, heuh gou gvaq sam ngoenz caiq daeuj. Gvaq sam ngoenz le, gou laihnaeuz dwg daengz gunghswh baudau, hoeng, Hoz ginghlij ok rog bae banh saeh lo, caj de ngoenz he hix mbouj raen de. Couh youq gou yaek dauqma, misuh Hoz ginghlij heuh gou ngoenz daihngeih caiq daeuj, naeuz dwg Hoz ginghlij daegbied daengq. Ngoenz daihngeih gou raen Hoz ginghlij le, de sij mbaw ceijdiuz he heuh gou bae ra Liuz fucungjginghlij. Hoeng Liuz fucungj naeuz de nyaengq lai, youh heuh gou bae ra Vangz cujyin. Vangz cujyin dapfuk gou dwg: Vunz gaenq ciu gaeuq, mboujgvaq mbangj aen bumwnz aiq caengz gaeuq vunz. Ngoenzcog mwngz daeuj couh rox lo, gij vah de hawj vunz guj mbouj cinj.

Itlienz buet geij ngoenz, aen gunghswh neix lumj dik cuzgiuz nei dawz gou dik bae dik dauq. Bonjlaiz gou hix souh mbouj ndaej gaemz heiq neix, hoeng baez siengj daengz bohmeh sinsin hojhoj guh hongnaz, gou gietdingh caiq bae baez he, yawjyawj aen gunghswh neix dauqdaej saj gijmaz vaciu. Vangz cujyin doiq gou gig ndei, gig lijgaij doenghboux hagseng lumj gou ngamq bizyez haenx, de heuh gou bae yingzsiuhbu yawjyawj. Ginghlij yingzsiuhbu naeuz, gyoengqde noix boux yezvuyenz he, hoeng aeu yinzswbu dingh.

Yienghneix baebae dauqdauq, gou youh raen daengz Hoz ginghlij, hoeng Hoz ginghlij naeuz de yaek okcai, gvaq aen singhgiz he dauqma, neix gou gip lo, hoeng youh mbouj miz banhfap, cijndei singhgiz laj caiq daeuj.

Gvaq aen singhgiz he le, gou gaenq baez daihroek daeuj daengz aen gunghswh neix lo. Ngamq haeuj dou, Hoz ginghlij couh riunyumnyum doiq gou naeuz:“Bouxcoz ha, hoh mwngz lo! Mwngz gaenq youq baez daegbied mienhsawq neix, aeu ndaej cingzcik gig ndei. Neix dwg mwngz mbouj doeknaiq guh daengzdaej doeklaeng ndaej daengz cwngzgungh.” Seizhaenx gou cij rox, baez ra hong doi bae doi dauq neix gingqyienz dwg baez ra hong gaujsi he, Hoz ginghlij naeuz, haujlai boux daeuj ra hong cungj dwg mbouj miz naihsim, ciengzciengz dwg bungqding baez he couh doeknaiq couh mbouj guh lo. Cijmiz gou genhciz daengz doeklaeng.

Gou yienznaeuz mbouj rox gangj, hoeng gou miz gietsim miz naihsim, ndigah gou youq ndaw gunghswh baenz boux yingzsiuhyenz maenhndei he. Baengh coengmingz、yungh sim、gietsim caeuq naihsim swhgeij, bi he le gou ndaej swng guh yingzsiuhbu ginghlij, youq ndaw gunghswh guh ndaej gig swnh. Seizneix gou vih gou genhciz guh daengzdaej sim’angq. Gienh saeh neix hawj gou mingzbeg, mboujlwnh guh gijmaz, cungj aeu miz naihsim, miz caensim, miz gietsim, lij miz aen sim guh daengzdaej he, yienghneix cij guh ndaej baenz.

(Mungz Yenginz hoiz)

我深知求职不是一件容易的事，特别是像我这样来自农村的大专毕业生，要想找一份适合的工作谈何容易。但大学毕业后，我还是打算留在城市里，期望用勤奋和汗水谋一份职业。

我在人才市场到处寻觅，但都没能如愿，不是缺少工作经验，就是觉得行业前景令人失望。营销、服务员、跑业务的工作挺多，但我怕自己不是那块料。这时，我看到一家单位招聘营销员的广告，要求挺低，年龄在35岁以下，文凭不作要求，我连忙记下公司的地址和联系电话。

第二天，我来到那家公司。接待我的小姐很热情，知道我是应聘的就叫我到人事部找何经理。何经理看了我的档案后，让我三天后再来。三天后，我以为到公司报到呢，可何经理出去办事了，等了一天也未见到他。就在我即将离去的时候，何经理的秘书告诉我次日再来，说是何经理特别交代的。当我第二天找到何经理后，他写了张纸条叫我找刘副总。但刘副总说他太忙，又叫我去找黄主任。黄主任给我的答复却是：人早已聘满，不过也许还有个别部门缺人。明天来也许就知道了，言语让人捉摸不透。

一连跑了几天，这个公司像踢皮球一样把我踹来踹去。本来我也受不了这口气，但一想到父母面朝黄土背朝天的辛苦，我决定再做一次努力，看看公司到底耍的是什么花样。黄主任对我挺好，很理解我们这些刚毕业的学生，他让我到营销部看看。营销部经理称，他们是缺少一名业务员，但要人事部决定。

这样一来二去，又见到了何经理，但何经理称他要出差，一周后回来，这下我急了，但又没有办法，只好下周再来。

一周后，我已经是第六次到公司来了。刚进门，何经理就微笑着对我说：“小伙子，祝贺你！你已经在这场特殊的面试过程中，取得了优异的成绩。这是你不放弃而换来的最后的成功。”这时，我才明白，这个推来推去的过程居然是一场求职考试。何经理称，许多求职者缺乏耐心，往往碰一次壁后就自动放弃了，只有我坚持到了最后。

我虽然口才不是很好，但我有毅力和恒心，所以我在公司成了一名优秀的营销员。凭着自己的智慧、用心、超人的耐心和毅力，一年后我便升为营销部经理，在公司如鱼得水。现在的我很庆幸自己能够坚持到最后。这件事让我明白了，无论做什么，都要有耐心，有诚意，有毅力，而且还要有一颗永不放弃的心，这样才会取得成功。