Miz dah lwgsau he, mwh iq aenvih ndangdaej nyieg, moix baez hwnj dangz dijyuz baujbu cungj dwg buet ceiq doeklaeng. Neix sawj de bouxvunz yienghyiengh siengj ak gvaq vunz haenx roxnyinh gig doeknaiq, caemhcaiq lau hwnj goq dijyuz dem. Mwh haenx, daxmeh dahniq neix couh nai de: “Mbouj youqgaenj law, mwngz nienzgeij ceiq iq, buet ceiq doeklaeng mbouj youqgaenj ne. Mbouj- gvaq mwngz geiq ndaej, baez laeng muzbyauh mwngz couh dwg: Cij gyaep boux baihnaj mwngz.”

Dahniq ngaekngaek gyaeuj, geiq maenh vah daxmeh. Mwh caiq buet, de couh haenqrengz bae gyaep boux buet baihnaj de haenx. Doeklaeng daj dauqgeq daih’it mingz daengz dauqgeq daihngeih、daihsam、daihseiq……aen haggeiz caengz sat, cingzcik de buet haenx gaenq daengz cungdaengj suijbingz lo, de vanzlij menhmenh maij hwnj goq dijyuz lo.

Ciep roengzdaeuj, daxmeh de aeu cungj swhsiengj “cij gyaep boux baihnaj” yinx daengz ndaw hagsib de bae, “danghnaeuz moix baez gaujsi cungj mauhgvaq boux doengzhag he ne, mwngz couh gig liux mbouj hwnj lo!”

Couh yienghneix, youq daxmeh cungj swhsiengj neix yinx de son de baihlaj, dah niq neix 2010 nienz gingqyienz daj Baekging Daihhag bizyez, youh gauj ndaej hwnj Meijgoz Hahfuz Dayoz, caemhcaiq ndaej cienzbouh ciengjyozginh dem, baenz boux Hahfuz Dayoz Gyauyuz Yozyen bihaenx luzcij Cungguek yinggai bwnjgoh bizyezswngh dandog boux he. De couh dwg Cuh Cwngz. Doeklaeng, Cuh Cwngz youq Hahfuz doeg sozsw yozvei、bozsw yozvei. Youq doeg bozsw geizgan, de ndaej senj hwnj Hahfuz Dayoz Yenzgiuswngh Cungjvei cujsiz, aen Hahfuz Dayoz Yenzgiuswngh Cungjvei niex miz 11 aen yenzgiuswngh yen、 13 fanh boux yenzgiuswngh. Neix dwg gwnz lizsij Hahfuz 370 bi daeuj boux hagseng Cungguek daih’it dang Hahfuz Dayoz Yenzgiuswngh Cungjvei cujsiz aen vih neix, yinxhwnj gingdoengh gig hung.

“Cij gyaep boux baihnaj”, neix couh dwg “diuq ndaej daengz, mbaet ndaej mak”, danghnaeuz mak youq gwnz faex daiq sang，lwgnyez baenzlawz diuq cungj mbaet mbouj daengz mak, neix couh sawj lwgnyez doeknaiq lo. Mbouj miz muzbyauh couh saet bae fuengyiengq, mbouj miz maqmuengh couh mbouj miz rengz bae guh. Hoeng, muzbyauh daiq sang、maqmunegh daiq hung, doeklaeng mbouj dwg miz sim guh mbouj daengz, couh dwg guh daengz byongh couh vut. Muzbyauh cingcuj youh guh ndaej daengz, maqmuengh caensaed youh hab, cijndaej yinx vunz lauxlaux saedsaed、ndawsim miz daej byaij bae naj.(Mungz Yenginz hoiz)

一个女孩，小的时候由于身体纤弱,每次体育课跑步都落在最后。这让好胜心强的她感到非常沮丧，甚至害怕上体育课。这时,女孩的妈妈安慰她：“没关系的,你年龄最小，可以跑在最后。不过，孩子你记住，下一次你的目标就是：只追前一名。”

小女孩点了点头，记住了妈妈的话。再跑步时,她就奋力追赶她前面的同学。结果从倒数第一名,到倒数第二、第三、第四……一个学期还没结束，她的跑步成绩已到中游水平，而且也慢慢喜欢上了体育课。

接下来，妈妈把“只追前一名”的理念，引伸到她的学习中，“如果每次考试都超过一个同学的话，那你就非常了不起啦!”

就这样，在妈妈这种理念的引导教育下，这个女孩2010年居然从北京大学毕业，并被哈佛大学以全额奖学金录取，成为当年哈佛教育学院录取的惟一一位中国应届本科毕业生。她就是朱成。其后，朱成在哈佛攻读硕士学位、博士学位。读博期间，她当选为有11个研究生院、1.3万名研究生的哈佛大学研究生总会主席。这是哈佛370年历史上第一位中国籍学生出任该职位，引起了巨大的轰动。

“只追前一名”，就是所谓的“够一够，摘桃子”，没有目标便失去了方向，没有期望便失去了动力。但是，目标太高、期望太大的结果，不是力不从心，便是半途而废。明确而又可行的目标，真实而又适度的期望，才能引领人脚踏实地，胸有成竹地朝前走。