Mboengqgonq, Cingsih Yen youq Anhdwz Cin gawjbanh Dieggaeuq “Nanzdenhgoz” Minzsuz Vwnzva Yisuzcez. Daiz foux goengfou hung 《Nungz Cigauh Luzgiz Bingh Cin》byaujyenj ndaej caenlili, ndeiyawj raixcaix, yinx seiq mienh bet fueng vunz daeuj yawj. Daiz foux goengfou neix doenggvaq caiqyienh gij cangzgingj gaxgonq Nungz Cigauh luzgizginh dwk vunzdig haenx, aeu gijneix daeuj cinfwn minzcuz cingsaenz, gikfat gij simndat gyaez guek lwgminz henzguek haenx.

Gunghyenz 1045 nienz, bouxdaeuz Boux- cuengh Nungz Cigauh youq Anhdwz laebbaenz daih’it aen deihfueng cwnggenz Boux- cuengh——Nanzdenhgoz, youq 1052 nienz liggaeuq 4 nyied, de youq Anhdwz fatdoengh nungzminz gijyi, dingjhoenx vunzdig daeuj ciemq, veizhu le minzcuz leih’ik, baujhoh le diegnamh Cungguek raeuz.

(Cau Ginghvuj)