5 nyied 6 hauh daengz 8 hauh, Denzdungh Yen gawjbanh Bi 2013 Ciet Vwnzva Fuksaenz Sanghlij Denzdungh Siengzcouh·Lingjnanz hozdung, ciet vwnzva hozdung ndei yawj dangqmaz, yinx 3 fanh lai vunz ndaw yienh rog yienh daeuj yawj.

Ciet vwnzva cawz liux youq gwnz gaihmu si vwnzyi vanjvei ciengq go diuq foux yienj heiq le, lij guh baiq fuksaenz、foux saeceij、eu fwen、 gai gijgwn cimz gijgwn dangdieg hozdung. Baiq fuksaenz dwg ciet vwnzva hozdung aen neiyungz ceiq cungyau ndeu. Gyoengqvunz baiq fuksaenz, soengq va baij noh, gouz fuksaenz aeu fuk, gouz baenaj fwnraemx cuk, vunzlai an’onj. Moix bi youq liggaeuq sam nyied ngeihcib bet gonqlaeng sam ngoenz, gyoengqvunz cungj gag daeuj Denzcouh Lingjnanz Veigvanj(youq gwnzgai Siengzcouh) baiq fuksaenz, bouxseng’eiq daeuj neix gouz fuk gouz caiz, aen ciet neix hix heuhguh ciet bouxseng’eiq.

(Bwzswz)