Seizhah mbwn ndat, haujlai vunz nanz dingj ndaej, mehdaiqndang engq- gya dingj mbouj ndaej lo. Baenzneix, mehdaiqndang seizhah baenzlawz siu ndat ne?

1、Daenj buhfaiq buh- maeng gvangq, yienghneix daeuq heiq ndei, bouxvunz engq liengzsangj.

2、Gwnndoet aeu cit aeu miz gvilwd, haeujsim bouj gwn raemx. Dinghseiz dingh- liengh, gijgwn ceiq ndei citdamh youh yungzheih siuvaq. Mbouj ndaej gwn yinjliu gyoet lai, hix mbouj ndaej gwn bizciuj daeuj ngaij hozhawq, lai gwn lwgmak caeuq byaekheu singjsien, gaej caj daengz hozhawq caiq gwn raemx. Haetnaengz hwnqmbonq le、gyanghaet 10 diemj cung、banringz 3 daengz 4 diemj、gyanghaemh yaek haeujninz seiz geij duenh seizgan neix gwn boi daengz song boi raemxgoenj liengz. Mwh ndang ok hanh lai seiz habdangq gwn di raemxgyu cit ndeu, caemh ndaej gwn di dang duhheu、raemxdangz duhheu ndeu.