Dohraeuj aenmbwn seizhah ciepgaenh dohraeuj aenndang bouxvunz, ndang vunz sanq ndat cujyau baengh ok hanh guhcawj, ndigah, aeu ndat siu ndat goj dwg cung fuengfap ndei ciengx ndang ndeu.

1、Sujbaq ndat uet ndang: Seizhah, fajnaj caeuq aenndang nanzmienx ok hanh lai, gibseiz uet hanh ndaej coi naengnoh daeuq heiq, danhseih itdingh aeu sujbaq ndat daeuj uet, cij ndaej hawj aenndang sanq ndat vaiq.

2、Raemxndat dajcaemx: Seizhah caemx raemxgyoet rox hawj naengnoh sousuk, caemx le dauqfanj raen ndat, yungh raemxndat caemxndang yienznaeuz ok hanh lai, danhseih ndaej hawj sailwed mbehai, mizleih aenndang sanq ndat.

3、Raemxndat swiq din: Vunz ciuhgeq naeuz: “Yaek ninz swiq din, ndei gvaq gwn ywbouj.”Seizhah goj dwg yienghneix. Dangseiz yienznaeuz miz di ndat, danhseih gvaqlaeng dauqfanj gamjdaengz liengzsangj cwxcaih.

4、Gwn caz ndat: Gwn yinjliu gyoet cijnaengz camhseiz gaij ndaej hozhawq, danhseih dingj mbouj ndaej nanz. Gwn caz ndat ndaej gig sailwed mbehai, ndangraeuj dauqfanj doekdaemq vaiq.