□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Se Dunghlaiz rox Veiz Gozcingh gig gvansim Guengjsae ndaem gofoed, cix daegdaengq soengq gij caizliu Yungzyen sawq ndaem go’nywjvahoengz caeuq gomaenz ndaej- baenz haenx hawj de, caemhcaiq naeuz de nyi: Yungzyen sawq ndaem go’nywjvahoengz cung byoengq le “dieggimq”, gij caizliu neix cigndaej yawjyawj.

Veiz Gozcingh dwg boux lingj- dauj rox ca saeh denjhingz ndeu, de yawj gvaq gij caizliu Yungzyen le, angq dangqmaz. De nyinhnaeuz, gij gingniemh Yungzyen, dwg gienh saeh Guengjsae ndaem gofoed ndaej cungbyoengq hungloet ndeu, aen yienh neix yaek bang daengx gih gaijgez ceh gofoeg caeuq beizyangj dieglig buq diuz roen gvangqlangh ndeu. Youq aen hai Hoih Swcigih Daihngeih Baez Dangjdaivei gaxgonq, Swcigih hai le Hoih Sam Gaep Ganbuvei, youq gwnz hoih, Veiz Gozcingh gaisau le gij gingniemh Yungzyen hawj daihgya, caemhcaiq bihbingz le 《Gvangjsih Yizbau》, naeuz Yungzyen gienh saeh denj- hingz neix, vihmaz mbouj ndaej hwnjbauq? Vanzlij naeuz, de gvaq duenh ndeu yaek bae gizde ngonz gofoed.

Ngoenzhaenx, fwn saeq doek mbouj dingz, bang vunz Veiz Gozcingh banringz 12 diemjcung daeuj daengz Yungzyen Yenveijvei, Veiz Suveih sien gaisau yenveij suhgi Cangh Dazmingz hawj Veiz Gozcingh gonq, liux le youh gaisau Dingh Saulanz, gangj de dwg boux fusuhgi faenguenj nungzyez ndeu, Yungzyen sawq ndaem gofoed dwg Dingh suhgi caenfwngz gaemguenj. Veiz Gozcingh naeuz:“Caeux dingq gvaq aencoh mwngz lo, seizneix cij ndaej roxnaj. Mwngz sawq ndaem gofoed damq ok gingniemh daeuj ndei lai bw!”

Cangh Dazmingz genyi: “Raeuz gwn ngaiz gonq, yietnaiq yaep ndeu le dou cij gyoeblwnh hong hawj mwngz, ndaej lwi?”

Veiz Gozcingh hannaeuz: “Ndei, gwn ngaiz gonq, gwn imq le cix dingq sou lwnh ndaem gofoed hawj dou, liux le caiq bae ngonz gofoeg, mbouj yietnaiq lo. Song boux sou miz yigen lwi?”

(caengz sat)