Siengjmuengh Cungguek raeuz

Cujsiz naeuz ndaej cingh

Daengx guek vunzlai dingq

Nyi singjsien mingzbeg

Laeb dangj ndaej bak bi

Raeuz hix haeuj siujgangh

Gwndaenj ndaej daezsang

Saedceij angq vaiqvued

Laeb guek daengz bak nienz

Cungguek bienq fouqgiengz

Minzcuz hwng mbaek sang

Yinzminz angq vuenyungz

Ngeihcib sigij co

Guek raeuz goj daiq nyieg

Giengz guek daeuj caijcieg

Mbouj miz dieg mbefat

Sunh Cunghsanh hwnjdaeuj

Saeuh(hoenx) Cinghcauz roengzdaiz

Ra loh minzcuj byaij

Lij saetbaih gvaq ndwi

Gungcanjdangj gwzming

Hoenx hingz fanjdungbai

Laeb guek ndei anbaiz

Byaij seveicujyi

Hengz gaijgwz gaihfang

Deng baengh dangj dazyinx

Fazcanj vaiq lumj mbin

Lumj cin daengz va langh

Siengjmuengh yinzminz gyaeu

Ndei aeu vunz guh bonj

Minzswngh byaij bae gonq

Caez an’onj fouqmiz

Cungguek raeuz giengzhung

Mbouj bae cung guek wnq

Doxhuz fazcanj swnh

Bau lajmbwn bingzan

Gangj Au Daiz beixnuengx

Muengh naek Cunghvaz cingz

Caezgya caemhcaez bingq

Dingh fukhwng Cunghvaz

Cungguek lizsij raez

Seiqgyaiq caez naeuz lig

Mbouj caeuq vunz guh dig

Fazcanj gig leih biengz