●Daengz 4 nyied 20 hauh, Dwzbauj Yen miz 2 aen minzcuz mouyi nem canjbinj giyez youq geiq daih’it ndaej gij leihsik boujdiep daigvanj haenx 105288 maenz, saedyienh le aen yienh neix daj baezneix hwnj couh miz minzcuz mouyi nem canjbinj giyez ndaej gij leihsik boujdiep daigvanj, neix mizyauq dwk doidoengh ndaw yienh ginghci fazcanj.

(Nungz Yungjfang)

●4 nyied 18 hauh, Yungzsuij Myauzcuz Swciyen Danenz Yangh Mbanjgauhmaj Myauzcuz diuz roensuijniz roengz 780 fanh maenz、raez 11 goengleix haenx haidoeng lo. Dangqnaj, aen yienh neix gaenq youq 99 aen hingzcwngcunh guhsat roensuijniz doeng mbanj 40 lai diuz, gungh raez 300 lai goengleix.

(Lungz Linzci)

●4 nyied 16 hauh, Duh’anh Yauzcuz Swciyen gawjhengz“Gvangjsih Bouxcuengh Swcigih daegsaek vwnzva canjyez hangh- moeg sifanyen”biengj baiz yizsi, neix byauhci aen yienh neix baenz aen yienh buek daih’it ndaej cungj cwngheuh neix.

(Luz Sinhgveiz)

●3 nyied 20 hauh daengz 4 nyied 10 hauh,“Lujsin Vwnzyozyen daih’it geiz saujsu minzcuz vwnz- yoz cangcoz beizyinbanh”youq Nanzningz hai ban. Cungzcoj Si cizgiz cujciz saujsu minzcuz cozgyah camgya baez beizyin neix.

(Luz Gunh)

●4 nyied 17 hauh, Guekgya Suijlibu dinghdiemj fuzbinz Daih 12 Siujcuj bangfuz Lingzyinz Yen cienzngaenz banghag fatcuengq yizsi youq Lingzyinz Cunghyoz gawjhengz. Baez hozdung neix gungh miz Cauzlij Yangh 100 boux hagseng gig gungzhoj haenx ndaej fat hawj cienzngaenz, moix boux 1500 maenz, gungh 15 fanh maenz.

(Vangz Yenzyungz)