Vih doidoengh saujsu minzcuz conzdungj dijyuz yindung gengangh fazcanj, coicaenh vunzlai swnjcienz nem fazcanj gij feihvuzciz vwnzva yizcanj maenhndei saujsu minzcuz, daj bi’gvaq daeuj, Hozciz Si youq daengx si saedhengz saujsu minzcuz conzdungj dijyuz henhoh swnjcienz sifan gunghcwngz, aeu caet hangh cosih daeuj gensez aen si maenh’ak saujsu minzcuz conzdungj dijyuz haenx.

It dwg bienguh nem cujciz saedhengz《Hozciz Si Saujsu Minzcuz Conzdungj Dijyuz Vwnzva Henhoh Gveihva》, laebhwnj si、yienh、yangh、cunh seiq gaep saujsu minzcuz conzdungj dijyuz vwnzva henhoh gihci. Ngeih dwg bingzsenj buek mbanjranz minzcuz dijyuz、gvanj swnjcienz minzcuz dijyuz、boux- swnjcienz minzcuz dijyuz he, daiqdoengh saujsu minzcuz dijyuz yindung ndaej swnjcienz、fazcanj. Sam dwg sinhbau buek guekgya gaep saujsu minzcuz dijyuz feihvuzciz vwnzva yizcanj nem yenzgiu godiz hanghmoeg he, coicaenh saujsu minzcuz dijyuz vwnzva fazcanj ndaej gohyozva、 hidungjva. Seiq dwg okbanj buek saw、yinhsieng cozbinj gvendaengz saujsu minzcuz conz- dungj dijyuz he, gya’gvangq senh- conz, hawj engq lai vunz rox saujsu minzcuz conzdungj dijyuz vwnzva. Haj dwg laebhwnj aen vunzcaiz duivuj suciz sang henhoh nem swnjcienz saujsu minzcuz conzdungj dijyuz he, bauj saujsu minzcuz conzdungj dijyuz vwnzva maenhndei mbouj saetcienz.Roek dwg laebguh saujsu minzcuz conzdungj dijyuz bozvuzgvanj, hawj saujsu minzcuz conzdungj dijyuz vwnzva miz aen bingzdaiz ndei souyo nem baijok. Caet dwg guh hong minzcuz dijyuz haeuj hagdangz, hawj hagseng rox saujsu minzcuz conzdungj dijyuz vwnzva, hawj gyoengqde gyaez saujsu minzcuz conzdungj dijyuz yindung.

(Hozciz Si Minzveij)