Seizcin ciengx ndang, gwn bouj gig youqgaenj, wng lai bouj gwn di youhciz danbwzciz ndeu. Lumj gyaeqgaeq、nohbya、nohgaeq caeuq gij doxgaiq aeu duh guh daengj. Linghvaih, seizcin nengzbingh caeuq binghdoeg daengj veizswnghvuz hainduj sanjlah, vuedlig demgiengz, yungzheih ciemq haeuj ndang vunz bae hawj ndang vunz baenzbingh.

Ndigah, youq gwnz gwnndoet aeu lai gwn di veizswnghsu caeuq vuzgihyenz ndeu. Lumj byaekhau iq、byaekyouzcai、lwgmanh ndae、makyungz、makgam、makcengz daengj, gij byaekmak neix hamz veizswnghsu C lai, ndaej dingj binghdoeg.

Lauxbaeg nding caeuq byaek- roem hamz veizswnghsu A lai, ndaej baujhoh caeuq demgiengz nemmuek sanghuhgizdau caeuq diemheiq gi- gvanh sangbizsibauh, ndaej dingj gak cungj bingh ciemq haeuj ndang vunz; gijgwn hamz veizswnghsu E lai haenx hix aeu gwn di, aeu daeuj daezsang menjyiz goengnaengz ndang vunz, cungj gijgwn neix miz lwgraz、byaekgienjsim、byaekreuz daengj.