●Geij ngoenz gonq, Ginhsiu Yauzcuz Swciyen iugouz daengx yienh yangh(cin) cunh gaep cwngvu fuzvu cungsim venj baiz aeu Cuengh Gun song cungj saw sij. Ciuq cam rox, dangqnaj daengx yienh cunh gaep cwngvu fuzvu cungsim gaenq venj baiz Cuengh Gun song saw 51 gaiq, ciemq daengx yienh hingzcwngcunh 66%.

(Cau Yilanz)

●Bi’gvaq, Nanzdanh Yen daengx yienh minzcuz mouyi giyez fazcanj daengz 3 aen, daengx bi gij giyez neix gungh ndaej gij cienzngaenz leihsik diep daigvanj haenx 437.38 fanh maenz, doengzbeij demlai 270.58 fanh maenz, demhwnj 162.43%. Neix coicaenh dangdieg ginghci fazcanj, hawj nungzminz demgya ciuyez, demlai souhaeuj.

(Yangz Caijyenz)

●3 nyied ndawcib daengz 4 nyied ndawcib, Gveilinz Si Minzveij cienzmienh genjcaz gij cingzgvang bi’gvaq daengx si gensez gij mbanj miz saujsu minzcuz daegsaek haenx. Doenggvaq genjcaz, raen vwndiz, rox baezlaeng baenzlawz guh, neix vih daengx si ciuq byauhcunj guhsat hong gensez gij mbanj miz saujsu minzcuz daegsaek haenx laebbaenz giekdaej ndei.

(Cangh Gaijgiz)

●3 nyied, Ningzmingz Yen gonqlaeng cujciz vunz roengz Aiden Cin Mbanjluzyuz、Mbanjginzmoh、Mbanjcanggih sam aen mbanj Yauzcuz caeuq Cwngcungh Cin Yaudaz Cunh Mbanjlaigyangh aen mbanj Bouxcuengh neix diuyenz minzcuz gihcuj sezsih gensez、vwnzva minzcuz、sibgvenq minzcuz nem funghcingz ndawbiengz daengj, liuxle sij baenz diuyenz baugau, neix hawj cwngfuj guh gietdingh daezhawj baenghgawq.

(Lij Fungh Nungz Bungz- cwngz)

●Geij ngoenz gonq, Yungzsuij Myauzcuz Swciyen Swyungz Yangh Lueglungznij aen swnghdai lijyouz gunghcwngz gungh roengzngaenz 2180 fanh maenz haenx cingqsik haigoeng lo.

(Fung Sauswh Veiz Lonzcih)