田林：打 “三张牌”推进民族文化建设

Bi’gvaq, Denzlinz Yen cungfaen leihyungh gij vwnzva youhsi gag miz haenx, dwk ok“vwnzva daegsaek minzcuz、yisuz Heiqcuengh、feih- vuzciz vwnzva yizcanj”sam mbaw baiz, nyinhcaen doihaeuj hong gensez“aen yienh vwnzva minzcuz”.

It dwg comz rengz dwk“mbaw baiz vwnzva daegsaek minzcuz”, yienh’ok gij meiliz vwnzva minzcuz. Vwnzva minzcuz aen yienh neix lai cungj lai yiengh, Bouxcuengh miz foux vaizcin、foux beizva、foux bet sien hoh gyaeu, Bouxgun miz fwen、loxlez、fwen daejhaq, Myauzcuz、Yizcuz miz sibgvenq couxbawx baehaq, Yauzcuz miz foux Buenz- vuengz、foux gyongdoengz daengj, neix gyoebbaenz gij vwnzva Denzlinz miz daegsaek haenx.

Ngeih dwg comz rengz dwk“baiz yisuz Heiqcuengh”, yienh’ok gij goekdaej vwnzva Bouxcuengh na laeg. 2007 nienz daengz 2009 nienz, Denzlinz Yen gaenq laebdaeb sam bi gawjbanh“Gvangjsih Heiqcuengh vwnzva yisuzcez”, 2010 nienz daengz 2012 nienz laebdaeb gawjbanh sam gaiq“Cungguek Heiqcuengh vwnzva yisuzcez”, neix dazyinx le haujlai conhgyah ndaw guek rog guek nem hekyouz daeuj camgya, saedyienh le ginghci caeuq vwnzva song fungsou. 2009 nienz, Denzlinz Yen ndaej Cunghgoz Saujsu Minzcuz Higi Yozvei heuhguh“Cungguek mbanj- ranz Heiqcuengh”.

Sam dwg comz rengz dwk“baiz feihvuzciz vwnzva yizcanj”, swnjcienz gak minzcuz gij lizsij vwnzva yizcanj gyaeraez haenx. Denzlinz Yen yawjnaek swnjcienz nem henhoh vwnzva dangdieg. Gaenh bi daeuj gaenq guhsat hong caz 118 hangh feihvuzciz vwnzva yizcanj caemhcaiq laebhwnj dangjan, laebguh 27 daih hangh yienh gaep“feihyiz”henhoh mingzloeg, miz song hangh ndaej lied haeuj guekgya gaep henhoh mingzloeg.

(Cinz Yicungh)