□ 关仕京 搜集翻译

（接上期）

Mbwk: Mwngz naeuz mbouj miz yah，

Vunz da raen gyanghgyangh；

Caemh gwed liengj bae mbanj，

Caez gangjgangj riuriu！

女：你说没有妻， 人亲眼目击；

同打伞串村， 两人乐无比！

Sai: Caengz miz yah doxgaen，

Sau luenh haenh luenh naeuz；

Cauh vah daeuj yug gou，

Suenq banjdaeuz mwngz daih.

男：尚无妻随我， 妹胡编乱说；

造谣来辱人， 算你花招多。

Mbwk: Ngoenz haenx bae Hawloeg，

Lij roeb sou ndaem naz；

Rag cag lienz vanq gyaj，

De dwg yah mwngz mbouj？

女：那天去陆圩， 见你俩插秧；

拉绳抛秧苗， 不是妻谁帮？

Sai: Lwg Majsanh roengzdaeuj，

Gou cix goq de ndaem；

Moux seiq cib maenz ngaenz，

Caemh caen yah gou la？

男：马山女下来， 我就雇她插；

一亩四十元， 也算我妻吗？

Mbwk: Bak naeuz caengz miz vunz，

Suenq mwngz lai ak cauh；

Bohmeh mwngz caiq laux，

Yienghyiengh causim mwngz.

女：嘴说没人帮， 算你多能干；

你父母又老， 样样得忧烦。

Sai: Gou goq lwg Bincou，

Mbouj ndaej naeuz coenz naek；

Guhguh caiq yietbaeg，

Caengz laep cix haeujma.

男：我雇宾州人， 一句不能说；

干干又休息， 天大亮收活。

Mbwk: Lwgmbwk cix bingz daiz，

Lwgsai caiq bingz hoq；

Gwn gaiq bya gaiq noh，

Heuh caeuq boh gangjriu.

女：女儿平台高， 男孩又会跑；

吃鱼肉鸡肉， 还与父嬉闹。

Sai: Lienz yah caengz ndaej aeu，

Lwg gou lawz bingz mbaq；

Gwn gaiq noh gaiq bya，

Laep da dwk cij ndwnj.

男：连妻未曾见， 我儿怎平肩；

吃块鱼块肉， 闭眼才能咽。

Mbwk: Lwglwg liux caiq baz，

Gyuk baenz laz ok heiq；

Lumj doengh faenh gou nei，

Dangq mbawceij nyig rumz.

女：儿女又妻娇， 喧哗似锣闹；

像我这孤女， 如纸逆风飘。

Sai: Bak gangj cix ciuq sim，

Dwg cingqging saedvah；

Hojsik lo nuengx ha，

Cam mwngz haq mboujcaengz？

男：按良心话你， 是正经实语；

可惜呀阿妹， 要嫁到哪去？

Mbwk: Caeuq mehsimj gou gwn，

Dang seiqvunz lwggyax；

Yaek haq vunz mbouj ngah，

Ngoenz youzyaz gyang luengq.

女：与婶谋生计， 当一辈孤女；

欲嫁人不要， 日来串村里。

Sai: Cinfaen caengz doek gyaj，

Laebhah aeu maz ndaem；

Ciuq faenh gou daeuj daengz，

Ngoenz maz baenz vunzseiq？

男：春分未播种， 立夏怎插秧；

照我这情形， 何日像人样？

Mbwk: Vunz ndaemndaem caiq ndai，

Gou ra vaiz caengz dauq；

Vunz ndaem heusausau，

Gou caengz dauj goenqfiengz.

女：人插秧又耘， 我找牛未见；

人苗绿油油， 我尚未犁田。

Sai: Meh mwngz seng saundei，

Geijseiz cij ndaej haq;

Yauqgonq cam mwngz ga，

Sengj vihmaz mbouj han？

男：你娘育美女， 几时能出嫁；

前阵子问你， 为何不答话？

Mbwk: Soengq vunz cungj mbouj aeu，

Mbouj dwg gou mbouj siengj；

Yienzaen baenzlawz yiengh，

Vunz mbouj siengj caemh nanz.

女：送人都不要， 不是我不干；

究竟是何因， 人不爱也难。

Sai: Roxnaeuz nuengx miz gvan，

Vunz yaek cam caemh yaenq；

Rox de gyaj rox caen，

Gou da raen cij saenq.

男：或妹有夫君， 不敢再探询；

管她真或假， 我眼见为准。

Mbwk: Mwngz naeuz gou miz gvan，

Cam vunzmbanj yawjgaeuj；

Caz seiqhamq baengzyoux，

Gou haq laeng bouxlawz.

女：你说我有夫， 去问众村民；

访四周朋友， 我嫁给何人。

(caengz sat)