上林县大丰镇皇周小学三年级二班 蓝卫容

Haemhndaep yaek daengz lo, dauqcawq cungj cuengq bauq, hoeng ndaw sim gou fubfeb hwnjlangh， sim gou daej dwk, aenvih aen goj《Dahsau Iq Gai Habfeiz》hawj gou lij dauqngeix.

Gou lumj yawjraen aen ndang unqnyieg dahsau iq gai habfeiz suk youq gungx ciengz, muengh gij vabauq gizgyae；gou youh lumj yawjraen aen bak dekngau de loq doengh, ci！Habfeiz rongh lo, bienqbaenz aen lozfeiz, de siengj raeujrub aen ndang, mbawfeiz dauq ndaep lo, de cat moix diuz habfeiz rongh bae le cungj bienqbaenz doxgaiq gyaeundei, yaepyet youh dauq ndaep bae lo. De siengj gai hab habfeiz ndeu, doiq raeuz daeuj gangj dwg aen yauhgiuz iq ndeu, doiq de daeuj gangj dwg aen maqmuengh gyaeundei ndeu, nanzdauh aen yauhgiuz iq neix raeuz cungj muenxcuk mbouj ndaej ha？

Doeklaeng, de bae lo, youq haemh haemhndaep, youq aen saedceij gyaeundei haenx bae lo. De riengz daxbuz de mbin bae daengz gizdieg mboujmiz dungxiek, mboujmiz nitgyaengj haenx bae lo. Gou haemz, gou haemz swhbwnjcujyi guekgya! Haemz swh- bwnjcujyi guekgya apbik! Haemz swhbwnj- cujyi guekgya doegsied! Doeg daengz doegsied seiz, gou nyaenx mbouj ndaej nyaenj gaemx- gienz hwnjdaeuj.

Gou caen maqmuengh giz dieg mboujmiz nitgyaengj, mboujmiz dungxiek haenx dwg gizdieg raeuz ha! Hix geijlai maqmuengh raeuz ndaej ciep de daeuj giz raeuz, hoeng gij siengjfap gou mbouj ndaej saedyienh lo.

Gou raemxda doekbyoegbyoeg, ngiengx gyaeuj hwnjdaeuj, siengj sup raemxda hwnjdaeuj. Sawqmwh gou yawjraen faj fwj ndeu, dahsau gai habfeiz caeuq daxbuz ndeu vuenyungz dwk riu, vadfwngz coh gou……

（指导老师：蓝卫松）