●4 nyied 12 hauh, Nanzningz Si youq Cinghsiu Gih Funglingjbwz Segih“Ranz Minzcuz”gawjhengz ndawsingz minzcuz cihsiz hoz- dungcouh gijdung yizsi. Baez hozdung neix guh couh he. Youq gwnz yizsi, si minzveij fat baiz ranz minzcuz hawj 11 aen segih, vanzlij soengq bonj《Minzcuz Fazgveih Cwngcwz Cihsiz》dem.

(Liuz Sezbingz)

●4 nyied 12 hauh banhaemh, Sanglinz Yen daih’it gaiq“va mbanj Yauzcuz”vwnzyi vanjvei youq Cinhih Yauzcuz Yangh Lungzgvei Cunh gawjhengz. Baez vanjvei neix cujyau miz ciengqgo diuqfoux, yienh’ok le daj ndaem va’gim- ngaenz daeuj gyoengq beixnuengx Yauzcuz youz gungzhoj bienq fouqmiz, caemhcaiq maqmuengh saedceij engq ndei.

(Lij Dauyungj Vangz Ganghdenh)

●4 nyied 9 hauh, Cungzcoj Si ciet hawfwen eu fwen doxdax cingqsik heijguh lo, 37 aen daibyaujdui daj 7 aen yienh(si、gih) daeuj haenx camgya doxdax, bouxboux cungj doxcanj eu ndei, hawj bouxyawj bouxdingq sim gig maez.

(Liengz Cenzdungh Maj Swngcih)

●Vih caenh’itbouh daezsang minzcuz ganbu suciz nem minzcuz gunghcoz suijbingz, 4 nyied 8 hauh, Bwzswz Si Siveij Cujcizbu nem Si Minzveij baij 70 lai boux ganbu saujsu minzcuz camgya daihseiq geiz fuzbinz haifat naengzlig gensez beizyinbanh, baez beizyinbanh neix youz Cunghyangh Minzcuz Ganbu Yozyen gawjbanh.

(Cinz Yicungh)

●Youq bineix guh hong ndaemcin ndawde, Bingzgoj Yen gak gaep dangjveij cwngfuj nem mizgven bumwnz gyadaih ligdoh bangfuz, daengx yienh ginzcung cagaenj dajndaem. Dangqnaj, daengx yienh gaenq guhsat dajndaem haeuxyangz 173000 moux, haeuxnaz 131100 moux, gosangh 12121 moux.

(Vuz Anhginh)