Vih haeujlaeg bae hagsib senhconz Dangj Cibbet Daih cingsaenz, Dwzbauj Yen leihyungh Heiqcuengh baihnamz nem fwen daengj feihvuzciz vwnzva yizcanj senhconz Dangj Cibbet Daih cingsaenz, doenggvaq gij fuengsik gig sengdoengh、miz daegsaek haenx dawz Dangj Cibbet Daih cingsaenz cienz daengz ndaw sim gak cuz ginzcung bae.

Dawz Dangj Cibbet Daih cingsaenz、bouxdenjhingz nem saeh- senhcin bien baenz Heiqcuengh、siujbinj nem foux daengj, gaihcanj“bak ciengz Heiqcuengh byaujyenj”hozdung, aeu gij yisuz hingzsik ndawbiengz vunzlai gyaez haenx senhconz Dangj Cibbet Daih cingsaenz. Ciuq gyoepsuenq, daj Dangj Cibbet Daih ciuhai daeuj, aen yienh neix youq ndaw yienhsingz、yangh(cin)、cunh(segih)、mbanj nem giyez vih ginzcung yienjok Heiq- cuengh 38 ciengzbaez, bouxyawj miz 12 fanh vunzbaez.

Aeu haeujlaeg saedhengz“bak ciengz eu fwen doxdax”guh gihvei, dap hwnj aen bingzdaiz senhconz Dangj Cibbet Daih cingsaenz, leihyungh ngoenzhaw ndaw yienhsingz nem yangh(cin)、ngoenzciet hawfwen conz- dungj、ngoenzciet hung nem gak loih cietgingq hozdung ndaw mbanj daengj gawjbanh Dangj Cibbet Daih ciendaez eu fwen doxdax, yiengq gak cuz ginzcung senhconz Dangj Cibbet Daih cingsaenz. Daengz dangqnaj, aen yienh neix gungh banh ciendaez eu fwen doxdax hozdung 45 ciengz, miz 15 fanh ginzcung saujsu minzcuz camgya. (Nungz Yungjfang)