□ 关仕京 搜集翻译

(接上期)

Sai: Beijbaenz gaiq guhmaz，

Cungj caeuq gya ndeu youq；

Beijbaenz noh rox laeuj，

Cungj caemh daiz caeuq gwn.

男：要是件货样， 同屋一起放；

若是酒和肉， 同桌共分享。

Mbwk: Aen seiz gou mbouj cingq，

Diuzmingh youh caiq ca；

Meh seng goet gaeujvaq，

Bae haq vunz cungj yiem.

女：我时辰最孬， 八字又不好；

娘生乞丐命， 出嫁没人要。

Sai: Seiz gou caemh mbouj cingq，

Seng doek mingh caemh yaez；

Seiqlengq cungj cam caez，

Vunz mbouj leix faenh gou.

男：我时辰也坏， 生来也命歹；

四处去求婚， 从来无人爱。

Mbwk: Yawj dangqnaj mbouj baenz，

Yawj raeblaeng mbouj dij；

Noh caiq ndaem baenz mij，

Mwngz yawj dij liuxha？

女：观前不成样， 看后不值钱；

肤黑似锅底， 你看值几元？

Sai: Caezgya youq lajbiengz，

Mbiengj nuengx cix doek fwn；

Caezgya youq lajmbwn，

Mwngz baenzvunz gaxgonq.

男：大家在世间， 雨落妹那边；

同活在世上， 你成人在先。

Mbwk: Caezgya youq lajmbwn，

Beix baenzvunz gaxgonq；

Nuengx youq dieg raemxconx，

Cungj mbouj onj mbouj an.

女：大家活人间， 哥成人在前；

妹在水冲地， 总觉不安全。

Sai: Gou dangq gaiq nazfwz，

Vit ciengx cwz ciengx max；

Gij gigheiq gou ga，

Ngeix raemxda gag rih.

男：我如块荒田， 丢荒养牛马；

我生来苦寒， 想来悲泪下。

Mbwk: Beix ranz miz song max，

Lij daeuj caq duzyiengz；

Mwngz senqsi baenzsueng，

Gaej ruengz boux vunz dog.

女：哥有马一双， 还来耍小羊；

你早已成对， 还来逗孤单。

Sai: Daenj aen gyoep fouz mienh，

Song fwngz yien song mbiengj；

Miz boux yah caemh liengj，

Youq gwnzbiengz cij aeng.

男：戴个帽无面， 两手扶两边；

若有妻共伞， 在世才欢颜。

Mbwk: Siengj caeuq beix doengz

naengh，

Lau deng daengq faexminz；

Siengj dem beix gyaucingz，

Lau sim mwngz mbouj aiq.

女：想与哥同坐， 怕坐木棉凳；

想和哥交情， 怕你心不正。

Sai: Gou miz daiz gwn haeux，

Mbouj daeuj gouz moegciengh；

Gou miz yah maz nuengx，

Lij youq yienghneix dem？

男：我有桌吃饭， 不再求木匠；

如若我有妻， 还这孤独样？

Mbwk: Beix gaenq miz byadaemz，

Lij daeuj caemz byadah；

Faenh beix gaenq miz yah，

Lij daeuj gyah lwg vunz.

女：哥已有塘鲤， 还来耍河鱼；

哥已娶妻室， 还来耍小女。

Sai: Cingq mbouj miz byadaemz，

Cij daeuj yaemz byadah；

Doengh faenh mwngz nuengx ha，

Vah baenzlai fouzyungh.

男：正因塘无鲤， 才来捕河鱼；

你这阿妹呀， 话多无意义。

Mbwk: Ndaw daemz cungj miz bya，

Lij ok dah daeuj cimh；

Byadah gwn haeusing，

Lau vaih mingz mwngz mbouj？

女：塘中已有鱼， 还来河里捕；

河鱼腥味浓， 怕坏你名不？

Sai: Caen mbouj miz haeuxnaengj，

Cij suek faengx guh ringz；

Ndaw ranz mbouj miz hing，

Cij daeuj cimz lwgmanh.

男：真没有糥饭， 才包粽当餐；

家里没姜吃， 才把辣椒尝。

Mbwk: Daenj dauq buh habndang，

Bouxlawz bang mwngz caiz；

Doiq mad caiq doiq haiz，

Dahsau gvai lawz soengq？

女：衣服很合身， 谁帮你裁缝？

新袜又新鞋， 哪乖女馈赠？

Sai: Dauq buh gou gag genj，

Bae bouqdiemq dajcaiz；

Caiq doiq mad doiq haiz，

Bae gai cawx ngoenzbonz.

男：衣料我自选， 去铺店裁剪；

这双鞋双袜， 上街买前天。

Mbwk: Mwngz naeuz caengz miz baz，

Vunz da raen baenzdoiq；

Bae haw caeuq cawx oij，

Caiq guh doih cawx bya.

女：你说没有妻， 人见有伴侣；

街上帮买蔗， 又相伴买鱼。

Sai: Gou caen boux vunz dog，

Ok rog daeuj guhcaemz；

Caen mbouj miz vunz gaen，

Da mbouj raen luenh naeuz.

男：我单身独个， 出游由此过；

真无人相随， 你没见胡说。

(sat)