Swcigih Minzyijveij Fucujyin Yangz Gijbyauh Bae Vanz-

gyangh Diuyenz Hong Swnjcienz Baujhoh Vah Mauznanzcuz

4 nyied 1 hauh daengz 2 hauh, Swcigih Minzyijveij fucujyin Yangz Gijbyauh daiq boux ganbu gohyenzcu caeuq yingyungcu bae daengz Vanzgyangh Mauznanzcuz Swciyen diuyenz gij hong swnjcienz caeuq baujhoh vah Mauznanzcuz, laebguh aen sugigu singyaem vah Mauznanzcuz.

Mauznanzcuz dwg guek raeuz aen saujsu minzcuz vunzsoq youq 10 fanh doxdauq ndeu, Mauznanzcuz miz vah、vwnzva、fungsug sibgvenq caeuq cunghgyau sinyangj swhgeij, hoeng mbouj miz cihsaw, swnjcienz vwnzva baengh bak gangj bak son. Laebguh aen sugigu singyaem vah Mauznanzcuz dwg gidij dijyen le lozsiz guekgya mizgven minzcuz yijvwnz cwngcwz, dwg aen guhfap naekhung baujhoh、 swnjcienz、haifat vah minzcuz swhyenz caeuq doicaenh vah minzcuz cihsaw saenqsikvaq gensez ndeu.

(Veiz Vwnzsiengz)