Siuq Dungcuz dwg Sanhgyangh Dungcuz Swciyen cungj yisuz ndawbiengz ndeu. Ciuq dangdieg fungsug, dahsau Dungcuz daj rox saeh hwnj couh aeu hag nyib buhvaq Dungcuz, rox guh Siuq Dungcuz.

Siuq Dungcuz dwg beixnuengx Dung- cuz youq gwnz baengzdoj Dungcuz bakcim bakmae siuq okdaeuj, mbawsiuq yawj hwnjbae swyenz、buzsu、daihfueng, siuq baenz gij doz haenx gyaeundei dangqmaz. Siuq Dungcuz mboujdanh doz gyaeundei, louzyo gyaciz gig sang. 2009 nienz, Siuq Dungcuz ndaej liedhaeuj swcigih feihvuzciz vwnzva yizcanj baujhoh mingzloeg. 2010 nienz, miz 270 gienh Siuq Dungcuz ndaej daengz Daihcaet Gaiq Cunghgoz——Dunghmungz Bozlanjvei Cujveijvei ceij- dingh guh “laex guek” soengq hawj gyoengq daibyauj gak guek haenx.

Seizneix, vunz rox Siuq Dungcuz yied daeuj yied lai, vunz daeuj cawx hix yied daeuj yied lai, mboujdanh youq ndaw guek ndei gai, lij gai daengz Yinghgoz、Gyahnazda、Dunghnanzya gak guek dem. Siuq Dungcuz gaenq okmingz doh lajmbwn.

（Sinhvazse）