●Geij ngoenz gonq, Dava Yauzcuz Swciyen ciuhai Yauzcuz conzdungj vwnzva swnjcienz nem fazcanj codanzvei, ndaw yienh yinzda、cwnghez、senhconzbu、minzcuzgiz daengj bumwnz lingj- dauj caeuq ganbu cizgungh 30 lai vunz camgya. Doenghboux camgya codanzvei haenx genyi yaek gyadaih ligdoh aeu cwngcwz bangfuz、roengz cienzngaenz nem gisuz, gyagiengz beizyin.

(Vangz Vwnzboh)

●Daj 3 nyied daeuj, Nazboh Yen baij 50 boux nungzyez gohgi yinzyenz roengz daengz ndaw yienh 9 aen yangh(cin) 130 aen cunh 500 aen nungzyez gohgi sifanhu guh nungzyez gohgi haeuj mbanj haeuj ranz fuzvu, doengzseiz gensez le gosangh nonsei、lwgmak、ywdoj daengj 5 aen gohgi sawqniemh sifan gihdi. Neix mizyauq dwg daezsang daengx yienh nungzminz gohgi suijbingz, hawj nungzyez demsou daezhawj baujcang.

(Hij Dwzhoz)

●4 nyied 2 hauh, Nanzdanh Yen youq Lijhuz Yauzcuz Yangh gyongdoengz vwnzva gvangjcangz gawjbanh gizdieg yangh cwngfuj caeuq Vaizlij Cunh yienghsiengq gensez gaijguh gunghcwngz hai- doengh yizsi. Aen gunghcwngz neix yaek roengz 3000 lai fanh maenz, guhbaenz liux couh baenz ndaw yienh gizdieg guh minzcuz swnghdai lijyouz mizmingz he.

(Vangz Gingjhoz)

●Geij ngoenz gonq, Sanglinz Yen youq Cinhih Yauzcuz Yangh Dunghloz Cunh gawj- hengz gomiuz va’gimngaenz fat- cuengq yizsi, 30 lai fanh gomiuz va’gimngaenz cienzbouh fat hawj nungzminz lo. Baez neix fat gij miuz va’gimngaenz daengz aen segih he 10 aen Yauzcuz Cunh 182 aen mbanj.(Luz Haijyin)

●4 nyied 7 hauh, Gvangjsih Donzgunghveij capyouq Baekging haenx dawz gij yingjdezgih、yesingh densi daengj sonhag sezbei dij 20000 maenz haenx soengq daengz Libuj Yen Dunghcangh Cin Swhgung Siujyoz, hawj aen haq neix 100 lai boux hagseng saujsu minzcuz ndaej yawj densi cezmuz lo, gaijndei le sonhag diuzgen.

(Couh Cinyenj)