3 nyied 19 hauh, 2013 Gvanyangz Yen Cenhgyahdung Yauzcuz Vwnzva Ciet Lijyouz nem Gvanyangz Yen Ciet Hongdawz youq Gvanyangz yienhsingz gawjhengz. Ngoenzde, daengx aen yienhsingz Gvanyangz vunz lai vunz daih, gyoengq beixnuengx daj gak dieg daeuj doxcomz, guh gak cungj gak yiengh guh’angq hozdung, angqhoh song aen ciet neix, nauhyied dangqmaz. Liggaeuq ngeih nyied cobet “Ciet Hongdawz” dwg Gvanyangz Yen aen ciet conzdungj ndeu, gaenq miz 100 lai bi lizsij. Hainduj, dwg gyoengqvunz youq ngoenzneix daeuj Miuhyinzdaiz Gvanyangz sauyieng baiq baed, ganj hawmiuh, aenvih ngeih nyied cobet cingq dwg seiz ndaemcin doekcin, gyoengqvunz couh youq ganj hawmiuh seiz gai cawx hongdawz, miz gai hanz、gai loz、gai aencae aenrauq. Ngoenz ngeih nyied cobet couh ciemhciemh baenz le “Ciet Hongdawz” Gvanyangz. Daj 2009 nienz hwnj, “Ciet Hongdawz” yungzhaeuj ndaw vwnzva lijyouz dangdieg, bouxhek daeuj youz hix yied daeuj yied lai.(Liuz Gyaucingh)