Diuz ga ndeu, diuz dwngx ndeu, aen gyangjdaiz ndeu. 19 bi daeuj, Cinz Hinghgoz lauxsae laemxsim youq ndaw bya sonsaw, de yungh aensim ndatfwgfwg de, bae bang gyoengq lwgnyez ndawbya saedyienh aen lijsiengj “cihsiz ndaej gaijbienq minghyinh” haenx.

Cinz Hinghgoz dwg Lingzconh Yen Haijyangz Yangh Siujbingzloz Cunghsinhgiz Siujyoz boux lauxsae ndeu. Aen yozyau neix miz 15 boux hagseng, baen 4 aen bangaep, de cawzliux sonsaw, moix ngoenz lij bang hagseng cawj haeuxringz, dwg bouxlauxsae youh dwg bouxdajcawj, Cinz lauxsae mbouj ienq saek coenz vah, de naeuz:“Hawj gyoengq lwgnyez hag rox cihsiz, byaij ok ndawbya, dwg aen maqmuengh gou!”

(Luz Boh’an)