□ 关仕京 搜集翻译

(接上期)

Sai: Gau cuengq bit roengz naz，

Ngoenz maz boenq haeuj roengq；

Roegciu haeuj caz oen，

Ngoenz maz boenq ndaej dawz.

男：鸭已放田垌， 几时赶回笼？

画眉荆丛跳， 何时捉手中。

Mbwk: Guh vunz aeu simsienh，

Naih lienh ok vunzndei；

Byaij doxbungz ngoenzneix，

Iu gapdoih beixnuengx.

女：为人要善良， 磨练成好人；

今天能路遇， 邀结成亲朋。

Sai: Lot faex bae geng bya，

Ngoenz maz ndaej baenz reih；

Dap gyaq aeu ndaundeiq，

Mbouj yungzheih ndaej dawz.

男：削木耕山脊， 何日开成地；

搭架摘星星， 拿到不容易。

Mbwk: Ndaundeiq youq gwnzmbwn，

Miz aen hung aen iq；

Meh seng mingh mbouj gviq，

Mwngz yawjdij lwi doengz?

女：星星天上搁， 有大个小个；

娘生命卑贱， 你珍视吗哥?

Sai: Aeu raeuz sim doxgyaez，

Bitgaeq doxcaeuq gyaeng；

Song boux gag doxhaengj，

Ngoenz ndaej daengz menh suenq.

男：只要心相爱， 鸡鸭一起关；

两人肯相恋， 就顺其自然。

Mbwk: Beix gwih max gvaq gai，

Nuengx ciengx vaiz ndaw

rungh；

Yienghyiengh mbouj doengz

vunz，

Lau beix lumz caemh vaiq.

女：哥骑马过街， 妹养牛山寨；

样样不如人， 恐哥忘也快。

Sai: Caez bae cimz lwgmak，

Hab bak cix goj gwn；

Doengzcaez youq lajmbwn，

Caezgya vunz doengz cauh.

男：一起尝鲜果， 合口就食用；

同活在世间， 人性皆相同。

Mbwk: Naengh mbouj bingz gorum，

Ndwn mbouj bingz gomienh；

Guh gienh mbouj baenz gienh，

Aeu maz lienh ndaej mwngz？

女：坐不如草齐， 站不平麦秸；

样样做不成， 凭啥去恋你？

Sai: Raen mwngz nuengx doengzban， Lumj haeuxsan ndaw daeh；

Lumj lwglaeh gwnz go，

Ndaej gwn hoz cix cih.

男：看到同伴你， 像藏口袋米；

荔枝挂树上， 吃到才欢喜。

Mbwk:Daenj gieg caiq yiu din，

Mbouj bingz beix luengxmbaq；

Youhcaiq noh ndaemsah，

Mwngz ngah liux maz doengz.

女：穿木鞋踮脚， 不到哥肩膀；

肤色又黝黑， 你不会看上。

Sai: Byacwx dem Byalangz，

Miz ngox sang ngox daemq；

Aeu sim raeuz doxhaengj，

Feiq cienzngaenz baenzyiengh！

男：大明山狼山， 山峰有高低；

只要咱相爱， 耗钱不可惜！

Mbwk: Gou yaek siengj gvaq dah，

Lau laj mboujmiz giuz；

Gou yienz gyaez mwngz liux，

Lau beix yiuq (yawj) mbouj

daengz.

女：我想过河道， 担心没有桥；

妹本很爱你， 怕哥看不到。

Sai: Raen nuengx lumj daengngoenz，

Daj baihdoeng hwnj moq；

Vunz gyaeu sim caiq soh，

Cij hailoh daeuj cam.

男：见妹像太阳， 从东方升起；

漂亮又善良， 才过来问你。

Mbwk: Guenj miz fwj baenz mbwn，

Fwn mbouj doek roengzdaeuj；

Yienghceij hix mbouj gyaeu，

Beix yawj gou liux ha？

女：尽管云漫天， 没有雨水落；

我样子不美， 哥会看上我？

Sai: Ngoenzngoenz gou cungj ngeix，

Seizseiz gou cungj siengj；

Beijbaenz gyoep rox liengj，

Dawz ma mbiengj gou ing.

男：我天天追忆， 我时时惦记；

若是帽或伞， 拿回挂墙壁。

Mbwk: Gak boux youq gak mbiengj，

Lau mwngz siengj mbouj

daengz；

Mbouj laebluenh doxraen，

Ndaej guhcaemz gangjgoj.

女：各人在各地， 怕你会忘去；

不容易相逢， 共玩耍闲叙。

(caengz sat)