Yienhdaih yihyoz yenzgiu byaujmingz, ciengzseiz gwn maenz- cienz caeuq makcauj, ndaej daezsang ndang vunz menjyizliz. Danghnaeuz aeu makcauj、maenz- cienz、haeuxsan、haeuxfiengj itheij cawj cuk gwn, mboujdanh ndaej yawhfuengz dungx in、dungx biux naeuh fukfat, lij ndaej gemjsiuj baenz binghliuzganj dem, gig hab seizcin gwn.

Cawz makcauj caeuq maenz- cienz le, gijgwn diemz miz haeuxsan、haeuxfiengj、haeuxcid、megmax、haeuxlidlu、duhhenj、byaekgaiqlanz、lauxbaeg nding、lwgbiek、lwgmaenz、maenzdoengz- lingz、namzgva、raetmoegngaex ndaem、raetrang、noh maknganx、maklaeq daengj, moix vunz ndaej gaengawq amqbak swhgeij bae senj gwn, ceiq ndei gwn lai di. Linghvaih, aeu siuj gwn lwgbieng、lwgfaeg、ngaz duhheu daengj gijgwn caepliengz; lai gwn daihcoeng、hingndip、gosuenq、byaekgep、yiengzcoeng daengj gijgwn raeuj, ndaej hwnj daengz giep yaem sanq caep cozyung.

春季饮食养生多吃大枣山药