Ciuqriengz gij cingsaenz cungh- yangh, Guengjsae daj byai ndwen 10 bi 1961 hwnj, youq daengx swcigih ndawde senj le 236 aen swngh- canjdui mbouj doengz yiengh haenx dangguh diemjsawq yungh swngh- canjdui guh danvih haedsuenq goekgaen haenx, gij swnghcanjdui camgya gij sawqdiemj neix, vunzlai guh hong ngoenz haengjheiq gvaq ngoenz.

Doengzbi ndwen 11, Veiz Goz- cingh youh daengz Dwngzsiengz Gunghse guh mbat diucaz moq ndeu. Aen gunghse neix Fuzliengz Dadui Daih 7 Swngcanjdui guh dwg aen danvih haedsuenq goekgaen ndeu. Daengx dui miz 44 boux vunz- guhhong, gaxgonq cijmiz dingz vunz ndeu okhong; seizneix bouxboux cungj okhong lo; gaxgonq cuengq yiuz hoi ndeu, 8 boux vunz aeu guh 3 ngoenz, seizneix ngoenz ndeu couh guh liux lo. Gunghse lingh aen diemjsawq dwg Dadui Byaseiceij Daih 3 Swnghcanjdui, mwhnduj dajsuenq youq seizdoeng ndaem 5 moux lwgmaenz, seizneix gaij ndaem 10 moux, mwhnduj dajsuenq ndaem haeuxmegsamgaeu 12 moux, seizneix gaij ndaem 20 moux; yienzlaiz mbouj dajsuenq ndaem byaekheu, seizneix gaenq doenghfwngz ndaem ndaej 4 moux. Seyenz naeuz: “Yungh swnghcanjdui daeuj guh aen danvih haedsuenq, daj neix doxbae miz ngaiz gwn lo.”

Bi 1962 ndwen 2, Cunghgung Cunghyangh cingqsik fat ok 《Gij Cijsi Gvendaengz Gaijbienq Gij Vwndiz Danvih Haedsuenq Goekgaen Yinzminz Gunghse Lajmbanj Haenx》le, Guengjsae doq bujben saedhengz yungh swnghcanjdui guh aen danvih haedsuenq cungj sojyoujci cizdij samgaep neix.

Neix dwg youh diuzcingj gij gvanhaeh swnghcanj yinzminz gungh- se lajmbanj mbat haenq ndeu, niuj- cingq le mbangj loengloek “cojgingj” yinzminz gunghse. Ginggvaq baez diuzcingj neix, gij danvih haedsuenq goekgaen daengx swcigih youz yienzlaiz 3 fanh lai aen demgya daengz 28 fanh lai aen, swnghcanjdui itbuen dwg 20 hoh ranz、 35 boux vunzguhhong baedauq, daihdaej caeuq aen hozcozse swnghcanj hong- nazreih doxlumj. (caengz sat)

□ Hoz Saubangj sij Cinz Siengzcouh Liuz Gingliuj Cinz Siengzgen hoiz