Vih gvancez lozsiz Dangj Cibbet Daih cingsaenz, hawj ginzcung mbanj Yauzcuz gij vwnzva swnghhoz fungfouq hwnjdaeuj, doidoengh vwnzva minzcuz daih fazcanj、daih fanzyungz, Fuconh Yauzcuz Swciyen gaengawq“go mbungqmbaj Yauzcuz”aen guekgya gaep feihvuzciz vwnzva yizcanj neix, gawjbanh“mbungqmbaj cienz go”gvangjcangz vwnzyi yienjok hozdung. Aen hozdung neix daj 3 nyied daengz 12 nyied, moix ndaw anbaiz 1 daengz 2 aen yanghcin youq ndaw yienhsingz Suigvanghyenz yienjok. Gij yienjok neix hingzsik lai, miz gofoux、siujbinj、siengsingh、sam coenz buenq、gizyi、giyoz daengj. Aen hozdung neix sawj vunzlai ndaw yienh caenh’itbouh roxyiuj vwnzva conzdungj Yauzcuz, engq ndei swnj- cienz nem fazyangz vwnzva conzdungj Yauzcuz maenhndei, hawj minzcuz dem saenqsim, vih ciepcoux swciyen laebbaenz 30 hopbi cauxguh aen fwnveiz vwnzva ndei haenx.

(Dwng Vangzyi)