Bonjbauq siusik(gicej Dangz Lungz) 3 nyied 28 hauh banhaet, Lungzlinz Gak Cuz Swciyen laebbaenz 60 hopbi angqhoh daihhoih youq ndaw yienh vwnzva dijyuz gvangjcangz gawjhengz. Daengx Guek Yinzda Minzveij、Guekgya Minzveij angqhoh duenz、swcigih daibyaujdonz、Bwzswz Si daibyaujdonz daengj daengz yienhciengz angqhoh. Aen yienh neix gak cuz ginzcung daenj ndangdaenj minzcuz gig moq gig ndeiyawj, ciengqgo diuqfoux, sim angq naj riu dwk angqcoux gak aen angqhoh duenz nem hekndei. Ngoenzhaenx, daihhoih yienhciengz vunz cien vunz fanh, vunzlai doq ciengq doq diuq, nauhyied dangqmaz. Ndaw doz dwg angqhoh daihhoih yienhciengz.