●Daj bi’gvaq daeuj, Nazboh Yen caenh’itbouh doihaeuj hong gensez 10 fanh moux gocuk canjyez gihdi. Daengz 3 nyied 15 hauh, aen yienh neix gaenq roengz gij ngaenz fazcanj 481.6 fanh maenz, ndaem liux 16416 moux faexcuk, ndawde rangh sifan dajndaem menciz 10488.1 moux, nungzhoh dajndaem 5927.9 moux.

(Vangz Bizvaz Liengz Yenjvaz)

●Bi’gvaq, Cauhbingz Yen caizcwng ceiok youq minzswngh saehnieb haenx miz 11.8 ik maenz, ciemq gunghgung caizcwng yawh- suenq ceiok 79.73%. Aen yienh neix aeu fazcanj hawj vunzlai souh’ik, mboujduenh daezsang gij cizlieng saedceij vunzlai, hawj vunzlai engq vuenyungz, souh’ik engq lai. （Lij Hau Hoz Dauh）

●Bi’gvaq, Yinhcwngz Yen gij cienzngaenz fazcanj saujsu minzcuz 48 fanh maenz yungh daeuj youq mbanj gungzhoj guh gij roen mbanj gaep, gungh guh nem coih roensuijniz 2900 mij, vih 3500 lai boux ginzcung saujsu minzcuz gaijgez aen vwndiz byaij roen hoj haenx. (Veiz Meijyangh)

●Bi’gvaq, Ningzmingz Yen nyinhcaen gaihcanj“cihsiz gunghcwngz” hozdung nem“ranzsaw nungzgyah”gunghcwngz gensez, gungh fat saw 20593 lai bonj, fat gak loih senhconzdanh 1000 lai mbaw, hawj vunzlai lajmbanj gyaez doegsaw、ndaej doeg saw ndei.

(Couh Yizgangh Ganh Yingj)

●Daj Dangj Cibbet Daih daeuj, Bingzgoj Yen lai cwngzsw、lai hingzsik guh senhconz, dawz Dangj Cibbet Daih cingsaenz cienz doh gak mbanj saujsu minzcuz. Ciuq gyoepsuenq, daengx yienh gungh cujciz gawjbanh gak loih beizyinbanh 96 geiz, camgya beizyin 10000 lai vunz, gawjbanh senhgyangj baugau 56 ciengz, boux daengz yienhciengz dingq haenx miz 60000 lai vunz, cujciz Fwenleux vwnzyi yienjok 13 ciengz, bouxyawj miz 100000 lai vunz.

(Cinz Siugenh)