Bi’gvaq, Dwzbauj Yen dawz fazcanj minzcuz vwnzva saehnieb dangguh hangh minzswngh gungh- cwngz cungyau he daeuj ca ndei, gyadaih ligdoh gensez gij gihcuj sezsih vwnzva minzcuz, daengx bi gungh roengz cienzngaenz 1.456 ik maenz gensez gizdieg vunzlai guh vwnzva hozdung, ndawde roengz 8800 fanh maenz hwnjguh Bouxcuengh Nyen- ndokmax yisuz beizyin cungsim; roengz 1250 fanh maenz, guhbaenz aen Fanghsanh vwnzva gunghyenz comz miz minzcuz fungcingz nem vwnzyiz dijyuz hozdung haenx; roengz 4000 fanh maenz gensez aen vwnzyiz dijyuz gvanj ndaej hawj 6000 lai bouxyawj naengh haenx; roengz 300 fanh maenz, guhbaenz 10 aen mbanj gaep ginzcung vwnzva hozdung cangzsoj; roengz 110 fanh maenz, guhbaenz 5 aen ranzsaw nungzgyah moq. Doengzseiz, vanzlij roengz 100 fanh maenz bangfuz gij vwnzyi donzdij ndawbiengz gaihcanj Heiqcuengh Baihnamz swnjcienz hozdung, cujciz daengx yienh 35 aen yezyiz vwnzyi donzdui ndawbiengz roengz lajmbanj yienjok 421 ciengz, bouxyawj gungh miz 28 fanh vunzbaez.

Doenggvaq gyadaih gensez vwnzva gihcuj sezsih, roengz cienz rengz doihaeuj dangdieg minzcuz vwnva saehnieb fazcanj, mizyauq coicaenh aen yienh neix sevei huzndei onjdingh. (Nungz Yungjfang)