3 nyied 22 hauh, liggaeuq ngeih nyied cib’it, miz fanh lai boux ginzcung Sanglinz Yen caeuq bouxhek diegrog daeuj daengz Sanglinz Yen Bwzhih Cin Aicangz Cunh baihnaj Miuhcicwngz angqhoh Ciet Goenggyaeu. Ngoenzde, miz caeq goengvuengz gouz fuk、goengvuengz cunzyawj、byaij doufuk dougyaeu、fouxsaegoeng、benz laecax、 gvaq feiz、ciengj bauqva、youz gyaqva daengj Bouxcuengh minzsuz byaujyenj, caemh miz cuengq bauq、 foux saeceij、vwnzyi byaujyenj、baijyienh Sanglinz funghgvangh sezingj cozbinj、baij gai huqdoj Sanglinz daengj hozdung.

Dangzdai Cwngzcouh cwsij Veiz Gez, ciuhvunz de ceih rwix haenh ndei, cauxfuk hawj lwgminz, Sanglinz Yen gyoengq beixnuengx Bouxcuengh vihliux geiqniemh goenggyaeu neix, dawz moix bi ndwenngeih ngoenz ngeihcib’it dingh guh Ciet Goenggyaeu. Ciet Goenggyaeu youq 2012 nienz ndaej lied haeuj gih raeuz feihvuzciz vwnzva yizcanj mingzloeg. Sanglinz Yen ginzcung daj bi 2007 hwnj moix bi cungj guh angqhoh Ciet Goenggyaeu hozdung, bineix dwg banh gaiq daihcaet lo.

(Veiz Yennaz)