Vihliux hungzyangz conzdungj vwnzva maenhndei Bouxcuengh raeuz, gyagiengz caeuq gyahung aen duivuj canghfwen lajmbanj, daezsang gyoengq canghfwen guh fwen eu fwen suijbingz, aeu fwen daeuj senhconz dangj “Cibbet Daih” cingsaenz, fungfouq ginzcung lajmbanj cingsaenz vwnzva swnghhoz, mboengqgonq, Duh’anh Yauzcuz Swciyen banh le nungzminz Fwencuengh beizyinbanh, ndaw yienh miz 20 lai boux nungzminz canghfwen daeuj camgya beizyin. Lauxsae hawj gyoengq yozyenz gangj dangj “Cibbet Daih” cingsaenz neiyungz; gangj sij fwen cihsiz. Gyoengq canghfwen camgya beizyin liux le, couh camgya le Hozciz Si canghfwen senhgyangjdonz haeuj gihcwngz eu fwen senhconz “Cibbet Daih” cingsaenz hozdung.(Dangz Bingjfwngh)