●3 nyied 16 daengz 18 hauh, Libuj Yen gawjbanh gunghgung vwnzva beizyinbanh, neiyungz baugvat yinhyoz、caijdiu byauj- yenj、diuqfoux、suhfaz nem vehdoz daengj, mienxfeiq vih gyoengqvunz gyaez vwnzva haenx daezhawj bingzdaiz, caemhcaiq gawjbanh le beizyin veibau yienjok.

(Couh Cinyenj)

●3 nyied 17 hauh, Yungzsuij Myauzcuz Swciyen Myauzcuz Yoz- vei daih’it baez veiyi youq ndaw yienh minzcuzgiz gawjhengz, 61 boux veiyenz comz daeuj dox- yaeng, byaujgez doenggvaq le《Yungzsuij Myauzcuz Swciyen Myauzcuz Yozvei Cujciz Gihgou Caeuq Cwzyin Faengoeng Saed- hengz Fangh’an》.

(Cinz Cunghdwz)

●3 nyied 16 hauh, dwg lig- gaeuq ngeih nyied co’ngux, Sanh- gyangh Dungcuz Swciyen Liengz- gouj Yangh nem Hozlij Yangh banh aen hoihmiuh hung he. Ngoenz- haenx, miz hoihmiuh youzhingz、baiqcaeq samvuengz、heiq sam- vuengz、heiq Dungcuz daengj gij minzsuz hozdung gig ndeiyawj nem miz daegsaek, neix yinx le fanh lai boux vunz henzgyawj nem hekyouz daeuj camgya. (Vuz Lenyinh)

●Bi’gvaq, Vujmingz Yen dajndaem byaekgwn seizdoeng nem seizcou 50.28 fanh moux, ndawde byaekgwn seizcou 24.12 fanh moux, byaekgwn seizdoeng 26.16 fanh moux; daengx yienh gij byaekgwn seizdoeng nem seizcou cungjcanjciz 7.5 ik maenz, saedyienh nungzminz moix boux bingzyaenz canjciz 1320 maenz, moix boux demsou 530 maenz.(Lij Gwnhgez)

●3 nyied 13 hauh dwg Yungzsuij Myauzcuz Swciyen Dungdouz Yangh daih 25 gaiq“ngeih nyied ngeih”ciet bauqva, gyawj fanh vunz daj dieg henzgyawj daeuj camgya. Aen yienh neix minzcuzgiz leihyungh aen gihvei neix, youq hozdung yienhciengz venj gij baengzvang senhconz minzcuz doxgiet, nda daiz camdap senhconz minzcuz cwngcwz, fat 1000 lai faenh swhliu, ciepdaih vunzlai camdap 100 vunzbaez.

(Fung Sauswh Veiz Lonzcih)