融水拱洞乡：“五项制度”促民族团结

Bi’gvaq, Yungzsuij Myauzcuz Swciyen Gungjdung Yangh hopheux aen cawjdaez“gak minzcuz doengz- caez doxgiet haenqrengz、doengzcaez fanzyungz fazcanj”, dingh“haj hangh cidu”cizgiz gaihcanj minzcuz doxgiet cinbu cauxguh hozdung.

It dwg yenzgiu minzcuz gunghcoz cidu. Dinghseiz yenzgiu guh hong cauxguh minzcuz doxgiet cinbu, cienz gij cingsaenz vwnzgen baihgwnz, hezdiuz mingzcuz gunghcoz gvenhaeh, gaijgez gij vwndiz haenq.

Ngeih dwg cietgingq doxlienz hozdung. Yangh dangjveij、cwngfuj leihyungh cietgingq geizgan cizgiz cujciz gak minzcuz gaihcanj“fwngz beng fwngz、guh lauxdoengz”daengj minzcuz daegsaek doxlienz hozdung, fungfouq gij saedceij vwnzva gyoengqvunz saujsu minzcuz.

Sam dwg doxgyau doxcunz cidu. Yangh ganbu doxfaen caeuq gyoengq- vunz saujsu minzcuz guh baengzyoux, dinghseiz doxgyau、gangjgoj、doxcunz daengj, guh daengz“seiq aen coj cunz”, couhdwg baenzbingh coj cunz、miz nanz coj cunz、ndawranz doxceng coj cunz、miz cingzgvang daegbied coj cunz.

Seiq dwg doxdingj doxceng baizcaz cidu. Yangh dangjveij、cwngfuj cizgiz guh ndaej hong baizcaz, cizgiz guenj nem fuzvu ndei gyoengq- vunz saujsu minzcuz louzdoengh, ndei ndei cawqleix gij doxdingj doxceng yingjyangj sevei onjdingh haenx.

Haj dwg bang gungz coengh hoj cidu. Yangh dangjveij、cwngfuj gaengawq cingzgvang ndaw yangh, yawj seiz guh hong, cizgiz cam baihgwnz aeu cienzngaenz, haenq- rengz vih gyoengqvunz saujsu minzcuz banh saehsaed、saehndei, cizgiz caeuq mizgven bumwnz guh ndei hong bangcoengh hoh saujsu minzcuz gungzhoj gaijgez nanzdaez.

(Veiz Lonzcih Veiz Mingzcinh)