Golinzgaeq dwg cungj doenghgo cwx ndeu, ndaw naz, henz roen, dauqcawq cungj miz.

Seizcin, golinzgaeq ndonj gyaeuj ok congh namh daeuj, ganj de gig dinj, mdaw heu, bien mbaw lumj bien loekgawq. Gvaq duenh seizgan he, ganjheu menhmenh maj sang, maj co, youq dingj ganj hai ok baez duj baez duj vahenj iq.

Seizhah daengz lo, gij va golinzgaeq couh hainduj loenq lo, youq giz simva maj ok gij doxgaiq lumj giuz- yungz nei, miz saekhau, miz saekhenj, gig ndeiyawj. Seizneix, danghnaeuz miz raq rumz ci daeuj, giuzyungz golinzgaeq couh hainduj mbin ok baenz aen baenz aen“liengj iq”. Laj gaenz“liengj iq” daiq miz naed ceh iq ndeu, “liengj iq” dauqcawq youz, lumj fouzsoq duz mbungqmbaj youq gwnzmbwn diuqfoux, ndeiyawj raixcaix .

Golinzgaeq riengz rumz, doek youq gizlawz couh maj youq gizlawz. Gou gig boiqfug gij swnghmingliz geng de, gou yaek hag de cungj cingsaenz neix .