●Bi’gvaq, Ningzmingz Yen haeujlaeg gaihcanj vwnzva roengz mbanj nem haeuj segih hozdung, cujciz “Valangh Vwnzyidui”、“Ginhvaz Yisuzdonz”、 “Sinningz Segih Caijdiudonz”daengj 10 lai aen yezyiz yisuzdonz roengz yangh、mbanj yienjok gungh 41 ciengzbaez, gij yienjok neix bouxyawj miz 39000 vunzbaez, senhconz yaugoj yienhda.

(Couh Yizgangh Ganh Yingj)

●Bi’gvaq, Yungzsuij Myauz- cuz Swciyen ciepdaih hekyouz 134.1 fanh vunzbaez, doengzbeij dem hwnj 11.2%, saedyienh lijyouz cungjsouhaeuj 5.22 ik maenz, doengzbeij demhwnj 26.7%.

(Liu Swjyenh)

●Bi’gvaq, Nanzdanh Yen Cunghbauj Myauzcuz Yangh gungh miz 159 ranz ndaem ien, bingzyaenz moix hoh ndaem 15.9 moux, moix hoh souhaeuj 38788 maenz.

(Fuz Lungzgyangz)

●Ciuq gyoepsuenq, bi’gvaq Bingzgoj Yen lwgmak dajndaem menciz 8.1 fanh moux, cungj- canjlieng 3.47 fanh dun; laj faex ciengx gaeq ndaej gai 2030.6 fanh duz; daengx yienh nungzyez cungjcanjciz miz 21.15 ik maenz, demhwnj 7.1%, nungzminz bingz- yaenz moix boux souhaeuj 6142 maenz, demhwnj 34.2%.

(Vuz Anhginh)

●Daj bi’gvaq daeuj, Denh- dwngj Yen ginzcung daihlig fazcanj noucuk dajciengx, doenghgij hoh dajciengx noucuk souhaeuj haemq lai. Daengz dangqnaj, aen yienh neix gaenq miz gyawj 30 hoh dajciengx noucuk, ranz ciengx ceiq lai haenx ciengx miz 1000 lai duz, ciengx noucuk baenz aen yienh neix cungj dajciengx moq nungzhoh gyaezmaij haenx.

(Luz Linzhuj)