Cunghvaz Yinzminz Gunghozgoz Daihcibngeih Gaiq Daengx Guek Yinzda Daih’it Baez Veiyi, guhsat gak hangh yicwngz, senj ok bouxlingjdauj gaiq guekgya gihgou moq, liuxle 17 hauh banhaet youq Yinzminz Daveidangz cingqsik haisat.

Guekgya cujsiz Siz Ginbingz youq gwnz hoih bimuvei guh le cungyau gangjvah. De giengzdiuh, saedyienh aen muzbyauh cienzmienh laebbaenz siujgangh sevei、laebbaenz aen seveicujyi yendaiva guekgya fouqgiengz minzcuj vwnzmingz huzndei haenx, saedyienh aen naemjsiengj Cunghvaz minzcuz caiq hwnghoengh hwnjdaeuj, couhdwg yaek saedyienh guekgya fouqgiengz、minzcuz hwngvuengh、vunzlai vuen- yungz. Youq ndaw seizdaih cauzliuz mboujduenh baenaj, vunzlai maq- muengh gvaq saedceij engq ndei, raeuz mbouj ndaej gag ndaengmoj, mbouj ndaej gag soengse, yaek engqgya haenqrengz、baenaj mbouj dingz, laebdaeb dawz gij saehnieb Cunghgoz Daegsaek Seveicujyi doi baenaj, laebdaeb haenqrengz vih saedyienh aen muzbyauh hawj Cunghvaz minzcuz caiq hwnghoengh hwnjdaeuj.

Baez hoih neix ginggvaq byauj- gez, doenggvaq aen gezyi gvendaengz cwngfuj gunghcoz baugau, baecinj le cwngfuj gunghcoz baugau. Aen gezyi neix naeuz, veiyi aeu gij vah gig ndei bingzgangj le gij cingzcik gvendaengz gaijgwz hailangh nem sevei cujyi yendaiva gensez guek raeuz youq 5 bi gonq aeundaej haenx, cungfaen haengjdingh gij hong Gozvuyen 5 bi gonq guh haenx, doengzeiq gij cungjdij iugouz nem muzbyauh yinvu gvendaengz 2013 nienz ginghci sevei fazcanj youq ndaw baugau daezok haenx. Veiyi nyinhnaeuz, gij genyi gvendaengz bineix cwngfuj gunghcoz youq baugau daezok haenx, cungfaen yienh’ok Dangj Cibbet Daih Cing- saenz, haemq saedcaeq ndaej saedyienh.

Veiyi vanzlij byaujgez doeng- gvaq、baecinj le mizgven gezyi、baugau.(ciuq Sinhvazse)