●Bi’gvaq, Denzyangz Yen gungh roengzngaenz 3923 fanh maenz, hawj 2350 hoh gungzhoj gaijndei ranzyouq diuzgen, daezsang 8500 boux ginzcung gungzhoj dingj cai、gemj cai naengzlig.

(Fungz Cinhyinz)

●Geij ngoenz gonq, youq gwnz 2012 nienz Gveilinz Si Sevei Gohyoz Gai Lenzhozvei Nienzdaej Cungjgez Daihhoih, Gveilinz Si Minzcuz Yenzgiuvei ndaej bingzguh yozvei maenhndei.

(Lungz Vaizyiz)

●Denhdwngj Yen nyinhcaen ca ndei byaekgwn cizlieng ancienz gamguenj gunghcoz, bi’gvaq aen yienh neix gungh genjcaz byaekgwn 2711 yiengh, ndawde habgek 2688 cungj, beijlaeh dabdaengz 99.2%.

(Vangz Lilanz)

●Bi’gvaq, Nazboh Yen Minz- cuzgiz bauq 280 diuz minzcuz gunghcoz siusik hawj baihgwnz, gungh miz 113 diuz faenbied ndaej guekgya、swcigih、si、yienh vangj- can nem gak gaep bauqceij cazci daengyungh.

(Vangz Bizvaz)

●Bi’gvaq, Ningzmingz Yen gungh fatcuengq yozcenz gyauyuz cienzngaenz bangcoengh 56.24 fanh maenz, 1167 vunz souh’ik; fat lajmbanj yivu gyauyuz gaihdon cienzngaenz bangbouj swnghhoz hawj doenghboux hagseng ninz yozyau ranz gungzhoj haenx 1556.82 fanh maenz, 27587 vunz souh’ik; fat cienzngaenz bang- coengh haeujhag hawj doenghboux dayozswngh ranz gungzhoj ngamq haeujhag, 277 boux ndaej coengh.

(Suh Fungvah Sinh Gyahbingz)

●Bi’gvaq, Ningzmingz Yen ginghci laj faex daengx bi canjciz miz 12.6 ik maenz. Ndawde, iengge gyagoeng canjciz 10.1 ik maenz, ywdoj canjciz 0.265 ik maenz, laj faex lijyouz canjyez canjciz 0.065 ik maenz, laj faex dajciengx canjciz 0.2 ik maenz, va nem faexlwg canjciz 0.162 ik maenz.

(Couh Yizgangh)