“Najranz gacaek heuh canz- canz, Cibbet Daih cingsaenz haeuj ranz raeuz, dangj daeuj coih roen hawj raeuz bienh, lajmbanj doxlienz sim angqyangz. Dangj dwg daengngoenz gou dwg va, Cunghvaz minzcuz caemh ranz ndeu.”Geij ngoenz gonq, Denzyangz Bahbez Yangh yivu gvangjboyenz Suh Vwnzfungh aeu fwen“song vah”Vahcuengh Vahgun doenggvaq gvangjbo senhconz Dangj Cibbet Daih cingsaenz.

Suh Vwnzfungh dawz gangj Dangj Cibbet Daih cingsaenz dangguh hangh cungyau neiyungz ndaw gvangjbo cezmuz de bingz- ciengz guh haenx, sijsaeq biensij le bonj bouh iq gangj Dangj Cibbet Daih cingsaenz, vanzlij biensij fwen“song vah”Vahcuengh Vahgun gvendaengz Dangj Cibbet Daih cingsaenz. Vih gya’gvangq yingjyangj de vanzlij gingciengz cingj dangdieg boux baenzfouq ak、boux ginghci ak daeuj daengz gvangjbocan gangjgoj, aeu ginglig gyoengqde daeuj gangj Dangj Cibbet Daih cingsaenz. Lai cungj senhconz fuengsik, ndaej ginzcung dangdieg gyaezmaij, daihgya faenfaen ciuqseiz soudingq gvangjbo cezmuz Suh Vwnzfungh, dingq liux vanzlij daujlun dem. Aen gvangjbocan iq neix dawz Dangj Cibbet Daih cingsaenz cienz daengz cien ranz fanh hoh ndaw mbanj Bouxcuengh.

(Yangz Fazmungj)