□ Lingz Swj

□ 灵 子

Youh daengz bi moq lo.

Moix bi bi moq, ranz vunz neix cungj vih bi moq laeb aen nyienhmuengh he.

Bouxsai dwg boux gunghyinz lauxsaed he, mehmbwk ndaej vunz ndaw ranz cungh, bakraeh baksoem, youq ndaw danhvei guh boux cizyenz he. Lwgnyez gaenq doeg daihhag, gig gaenx hag. Aenranz vuenyungz cungj doxdoengz! Youq ndaw ranz neix, mehmbwk danggya, guh gijmaz saeh cungj haenqriengj. De yawj mbouj gvenq bouxsai guh saeh menhnyednyed, yawj mbouj gvenq bouxsai guh gienh saeh he cungj siengj bae siengj dauq dingh mbouj roengz cawjeiq, youq diegvih ndaw ranz, lwgnyez baiz daih’it, bouxsai baiz ceiq rieng.

Gwn gvaq haeuxcaeuz, gyoengqde naengh youq naj densigih. Mehmbwk naeuz, youh daengz bi moq lo, raeuz yawjyawj gij nyienhmuengh bi’gvaq, daihgya cungj saedyienh ndaej baenzlawz yiengh? Bouxlawz gangj gonq ha?

Lwgnyez gangj gonq: Gou bi’gvaq naeuz yaek ceng’aeu ciengjyozginh, gou guh daengz lo. Hoeng cij aeu ndaej ngeihdaengjciengj, mbouj habhoz geijlai. Nyienhmuengh bineix couhdwg ndeindei roengzrengz, itdingh aeu ndaej itdaengjciengj.

Mehmbwk najhaiyab, bek aen’gyaeuj lwgnyez naeuz: Itdingh ndaej itdingh ndaej! Yienzhaeuh yawj bouxsai henz ndang, bouxsai yawj hwnjbae miz di mwnh, “daengz mwngz lo，” mehmbwk naeuz.

Bouxsai mbouj vueng mbouj muengz yawj song mehlwg de, yaek gangj mbouj gangj. Mehmbwk gaenj lo: Miz vah vaiq gangj, miz roet vaiq ok. Bouxsai cij menhnyednyed naeuz: Bi’gvaq nyienh- muengh gou dwg cawx ranz, seizneix gaenq saedyienh lo. Bineix yaek guh gijmaz ne? Bineix couh yaek ndaej ranz lo, gou ceiqgaenh louzsim gij cingzgvang cangbae aenranz, muengh cangbae aenranz yungh cienz noix youh ndeiyawj. Yungh cienz ceiq noix banh saeh ceiq ndei! Lij miz diemj ndeu ceiq youqgaenj, mehyah, geij bi neix vihliux cawx ranz, mwngz mbaet gwn mbaet yungh, gou cungj roxnyinh doiq mbouj hwnj mwngz! Lwgnyez doegsaw dou mbouj vei de, hoeng mwngz ne, gou roxnyinh gou vei mwngz lo. Mehyah, saedceij raeuz gvaq ndaej ndei le, gou itdingh ndeindei bouj gij gou yiemq mwngz haenx!

Mehmbwk nyengh lo, siengj mbouj daengz bouxgvan lauxsaed mwnhsaeng haenx rox gangj ok gij vah gamjdoengh vunz neix. Aenda de nding lo, fwngz he gaemdawz lwgnyez, fwngz he gaemdawz bouxgvan: Gou mbouj roxnyinh vei, miz song boux sou, gou roxnyinh gig vuenyungz! Bi moq gou hix miz nyienhmuengh moq. Couhdwg muengh lwg gou doegsaw hag ndaej ndei! Muengh gvan gou ndangcangq vaiqvued! Muengh ranz raeuz bouxboux bingzbingz an’an!

Rog cueng bauqrengh yiengj bibi baba, lumj vih ranz vunz neix hohfuk……

一年又是春来早。

每年新春，这家人总要聚在一起，为新年许个愿望，树立一个目标。

男人是一个老实巴交的小工人，女人则被家人宠的牙尖利齿，在一家单位做小职员。孩子已经大学，很勤奋。幸福的家庭都是一样的！在这个家里，女人当家，什么事情都是雷厉风行。她看不得男人慢吞吞的动作，看不得男人一件事反复琢磨拿不定主意的窝囊，在家庭地位上孩子是老大，男人是最小。

吃过晚饭，家人照例聚在电视前。女人说：又到新一年，咱们看看去年的愿望，大家都实现的怎样？谁先说啊？

首先发言的是孩子：我去年说要争取拿到奖学金，我做到了。只是拿的是二等奖，有点遗憾。今年的愿望就是好好努力，一等奖非我莫属！

女人一脸兴奋，拍着孩子的头连说：孩子，能行能行！然后看看旁边的男人，这时他的脸色有些迷茫，“该你了，”女人说。

男人不慌不忙的看看家里的另外两名成员，有点欲言又止。女人急了：有话快说，有屁快放。男人这才慢悠悠地说：去年我说要有一个大计划，那就是买房子！如今已经实现，这个是去年的承诺兑现了。今年要做些什么呢？今年就要交房了，我最近在关注装修方面的动向，希望装修既经济又美观。花最少的钱办最好的事！还有一点重要的，老婆，这几年为买房，你省吃俭用，我感觉对不起你！孩子上学咱没亏着，可是你，我感觉亏了你。老婆，我们的日子过好了，我一定好好补偿你！

女人愣了，没想到木讷的丈夫会说出这么动情的话。眼圈红红的，一手拉着孩子，一手拉着丈夫：我不觉得亏，有你们俩，我觉得很幸福！新年我也有新愿望。祝愿我的孩子学业有成！祝福我的老公健康快乐！祝愿我们全家平平安安！

窗外的焰火鞭炮噼里啪啦，仿佛为这家人的幸福在歌唱在舞蹈在祝福……