Senhhuz Suijgu youq baih- baek Vujmingz Yen Senhhuz Cin, liz gai Senhhuz song goengleix lai.

Daj gai Senhhuz bae suijgu cijmiz diuz goengloh ndeu. Ngamq haeujbae seiz, couh yawjraen diuz fai hung roek caet mij gvangq he. Suijgu seiq henz faexheu mwncupcup. Baihswix suijgu miz aen Senhhuz Sanhcangh ndeu, gyoengqvunz guhcaemz baeg le couh youq gizneix yietnaiq, gwnhaeux.

Benz hwnj gwnz dingj fai bae yawj suijgu, yawjraen suijgu gig gvangq, raemx gig saw, bingz ndaej lumj aen gingq hung nei. Dingq daxboh gangj, Senhhuz Suijgu dwg Gvangjsih aen cunghhingz suijgu ndeu. Cungq- gyang suijgu miz aen dauj iq ndeu, gwnz dauj miz geij aen ranz, ndaw ranz miz vunz ciengx duzlingz, yinx haujlai hekyouz daeuj yawj, gwnz dauj lijmiz vunz youq gizhaenx ep bya ne!

Gingjsaek Senhhuz Suijgu daegbied ndei, gou caen siengj bae gizhaenx youq ha﹗Gou gyaez Senhhuz Suijgu!

(指导老师: 梁 春)