Gaenh bi daeuj, Duh’anh Yauz- cuz Swciyen aeu seiq hangh cosih gyadaih ligdoh gensez saujsu minzcuz vwnzva saehnieb, coicaenh saujsu minzcuz vwnzva saehnieb hoenghhwd fazcanj.

It dwg gyagiengz ligdoh gensez saujsu minzcuz vwnzva gihcuj sezsih. Dangqnaj, daengx yienh 19 aen yangh(cin) vwnzvacan cienzbouh laeb miz ranzcanfangz 400 bingzmij dox- hwnj; hwnjbaenz ranzsaw nungz- gyah 248 aen, moix aen boiq saw 2000 bonj doxhwnj; laebguh sinsiz caemhyiengj gunghcwngz gihcwngz fuzvudenj yienh gaep aen he、yangh(cin) gaep 19 aen nem cunh gaep 240 aen.

Ngeih dwg cizgiz cujciz gaihcanj lajmbanj gak loih ginzcung vwnzva hozdung. Bi’gvaq, aen yienh neix gaenq cujciz 82 aen lajmbanj yezyiz vwnzyidui nem minzgenh yisuzdonz roengz mbanj、haeuj hagdangz byaujyenj 500 lai ciengzbaez, bouxyawj miz 60 lai fanh vunzbaez. Neix dazyinx nungzminz maij camgya vwnzva hozdung, mboujduenh fung- fouq minzcuz vwnzva swnghhoz.

Sam dwg genhciz moix bi gawjhengz Yauzcuz“Ciet Cuzcucez”、Bouxcuengh“sam nyied sam”daengj minzcuz cietgingq hozdung. Hozdung aeu byaujyenj minzcuz yenzswnghdai vwnzva guhcawj. Doenggvaq hozdung hawj gak minzcuz lai doxgyau, coicaenh vatgud、swnjcienz nem fazcanj minzcuz conzdungj vwnzva.

Seiq dwg ca ndei hong diuyenz saujsu minzcuz vwnzva canjyez. Aen yienh neix genhciz aeu“henhoh、cingjleix、yenzgiu、daezsang、fazcanj”guh fuengcim, haeuj dieg saujsu minzcuz bae guh ndei hong diuyenz vwnzva minzcuz, vih aen yienh neix gij vwnzva swhyenz saujsu minzcuz ndaej henhoh、cingjleix、haifat laeb- hwnj giekdaej. (Lanz Fuzgvanh)