Boujcung youhciz danbwz- ciz. Seizcin aenmbwn bienqvaq daih, nit ndat gig danbwzciz ndaw ndang bouxvunz faengaij okdaeuj vaiq, rengz dingj bingh ndang vunz doekdaemq, boux- vunz couh yungzheih cienzlah roxnaeuz fukfat baenzbingh, ndigah aeu boujcung youhciz danbwzciz gijgwn hawj aen- ndang, lumj gyaeqgaeq、nohbya、nohgaeq、gij huq aeu duh daeuj guh daengj.

Bouj gwn veizswnghsu caeuq vuzgihyenz hawj gaeuq. Byaekhau、byaekyouzcai、mak- yungz、makgam、makcengz daengj hamz veizswnghsu C gig lai, ndaej dingj binghdoeg; lauxbaeg nding、byaekroem hamz veizswnghsu A lai, ndaej baujhoh caeuq demgiengz nem- muek sanghuhgizdau caeuq diemheiq gi’gvanh bizsibauh goengnaengz; lwgraz、byaek- gienjsim、byaekreuz daengj hamz veizswnghsu E lai, ndaej daezsang menjyiz goengnaengz bouxvunz, hawj aenndang lai dingj ndaej bingh.

Gijgwn aeu cit guhcawj. Seizcin heiq daep ceiq hoengh, heiq daep hoengh cix yingjyangj daengz aenmamx, yungzheih okyienh beizheiq hawnyieg daengj bingh. Ndigah, seizcin hab gwn gijgwn manh、diemz、raeuj, geih gwn huqsoemj huqsaep; gwnndoet aeu cit guhcawj, siuj gwn gijgwn youz nywnx、ndip gyoet; boux baenz ganhyenz geih gwn hakgyaeq, aenvih ndaw hakgyaeq hamz miz daihliengh youzlauz caeuq danj- gucunz, gij huq neix aeu youq ndaw daep daeuj baiz ok, baenzneix couh gyanaek fudanh aen’daep lo, doiq hoizfuk goeng- naengz aen’daep fouz leih.