上林县大丰镇皇周小学三年级一班 李文卫

Ngoenzneix raeuz bae denyingj- yen yawj ciengz denyingj heuh《Boux Ndeu Cungj Mbouj Ndaej Noix》.

Ndawde gangj Suijcenz Yangh Suijcenz Siujyoz Gauh lauxsae, daxmeh de baenzbingh lo, de baema yawj meh, yienghneix couh cingj Vei Minjcih dahniq ngamq ndaej 12 bi haenx guh daigo lauxsae. Gauh lauxsae yaek lizhai seiz daengq ndaw ban doengzhag naeuz boux ndeu cungj mbouj ndaej noix. Hoeng mbouj nanz, Cangh Veigoh aenvih ndaw ranz gungz bae ndaw singz guh hong. Vei lauxsae couh bae ndaw singz ra Cangh Veigoh. Doeklaeng youq densidaiz daizcangj bangcoh lajde, dauq raraen Cangh Veigoh.

Suijcenz Siujyoz gyausiz gig vaih, vwnzgi youh noix, hagseng ndaw ranz gig gungz. Hoeng mbouj guenj gyausiz baenzlawz vaih, vwnzgi baenzlawz noix, ndaw ranz baenzlawz gungz, gyoengqde lij genhciz hagsib. Raeuz seizneix vanzging mboujrox beij gyoengqde ndei geijlai boix, ndigah raeuz wnggai engqgya roengzrengz doegsaw.

Ndaw ben Vei lauxsae doiq hagseng gig ndei, Vangz lauxsae raeuz doiq raeuz hix ndei. Lauxsae maqmuengh raeuz majhung le miz vwnzva，seizseiz nyaengq dwk fungj raeuz. Doengzhag baenzbingh le, lauxsae bae yawj doengzhag, bouj go hawj doengzhag. Lauxsae baenzneix gvansim raeuz, gyaez raeuz, raeuz aeu cingzcik ndei daeuj bauqdap lauxsae cij baenz. （指导老师：黄长松）

Bouxndeu Cungj

Mbouj Ndaej Noix