灵川：特色产业富农民

Lingzconh Yen Dagingh Yauzcuz Yangh Daging Cunh Mbanjdezgwngh youq diegbya, diegde bya lai reih noix, daengx mbanj 180 lai vunz, moix vunz cij miz haj faen reih. Cib geij bi gonq, aen mbanj neix cij miz diuz lohnamhboengz ndeu doeng daengz ndaw mbanj, ranzyouq hix cungj dwg ranzngvax ciengznamh, dwg aen mbanj gungzhoj ndeu.

Guh lajmbanj moq gensez seizde, gyoengq boux lingjdauj aen yangh neix daiqlingx gyoengq nungzminz diuzcingj nungzyez canjyez gezgou, ca ndei hong ndaemmak aen canjyez fouqminz neix, dwk rin gvak bya, guhbaenz baenz benq baenz benq suenmak. Seizneix, Mbanjdezgwngh gungh ndaem makgam、 makginhgiz 470 moux, moix vunz moix bi souhaeuj 2 fanh maenz.

Vunzmbanj daehngaenz bongz le, dingq cwngfuj doengjit gveihva, ndaw mbanj cienzbouh laebhwnj ranzlaeuz, lij laebbaenz vwnzva hozdung cunghhozlouz、lanzgiuzcangz. Bi 2011, Mbanjdezgwngh ndaej bingz guh “Swcigih Vwnzmingz Cunh Cin”.（Gicej）