Yenzliuh: Daepmou 100 gwz, byaekbohcai 200 gwz, nyauh iq ndaw haij cawz byuk cawz gyaeuj dak sauj gvaq cimq gawh 15 gwz, byaekhom、gyu、veicingh、ciengq- youz、suenqnaez、youzlwgraz gak di ndeu.

Guhfap: (1) Ronq daepmou baenz gaiq mbang, dwk roengz raemxgoenj bae log buenq ndip cug, vez hwnj rwed raemxgyoet le ndik raemx hawq. (2) Swiq byaekbohcai seuq ronq baenz donh 2 lizmij le dwk roengz raemxgoenj bae log yaep ndeu, vez hwnj caiq dwk roengz raemxgyoet bae cimq le ndik raemx hawq. (3) Ronq byaekhom baenz donh 2 lizmij raez. (4) Dwk byaekbohcai roengz deb, baihgwnz baij daepmou、byaekhom、 nyauh iq, doeklaeng aeu gyu、veicingh、ciengqyouz、meiqgwn、youzlwgraz、suenqnaez gyaux ndei rwed gvaq gwnz bae couh baenz gwn.